Президент Қасым-Жомарт Тоқаев Қазақстанда атом энергетикасын дамыту мүмкіндігін қарастыруды тапсырды, деп хабарлайды LS.
Қазақстан халқына Жолдау барысында президент елімізде энергетикаға сұраныс артып келе жатқанын түсіндірді.
"Көмір дәуірі біртіндеп бәсеңдеді, сондықтан жаңартылатын энергетикадан басқа, сенімді көздер туралы ойлану керек. 2030 жылға қарай электр энергетикасының тапшылығы болжанып отыр. Ал сапалы өсу үшін энергия қажет", - деп болжады Тоқаев.
Оның айтуынша, әлемде бейбіт атом осы мәселелерді шешу үшін қолданылады.
"Сұрақ өте маңызды. Оның шешіміне мүмкіндігінше ұтымды қарау керек. Үкімет пен "Самұрық-Қазына" бірлесе отырып қауіпсіз әрі экологиялық атом энергетикасы мәселесін зерделеуі тиіс", -деп түсіндірді Тоқаев.
Ол бұл мәселені инженерлік істі дамыту және білікті атом инженерлерінің жаңа буынын қалыптастыру тұрғысынан қарастыру қажет екенін айтты.
Сонымен қатар, президент сутегі энергетикасын пайдалану мүмкіндігін қарастыруды тапсырды.
Мемлекет басшысы сөз барысында Алматы мен Алматы облысының инженерлік проблемаларына да тоқталды.
Ол үкіметке және "Самұрық-Қазынағ" ЖЭО-2-де бу-газ қондырғысын салу, ЖЭО-3 жаңғырту және ЖЭО-1 кеңейту, оңтүстікте 1 мың МВт жаңа өндіруші қуаттарды іске қосу, Алматы мен облыста кабельдік желілерді реконструкциялау мәселелерімен айналысуды тапсырды. Тоқаевтың айтуынша, жобаға салынған инвестиция 1 трлн теңгеден асады.
"Инвесторлармен бірлесіп шамамен 2,4 мың МВт жаңартылатын энергетиканы іске қосамыз", - деп қосты президент.
