Шымкенттің ең қымбат 5 жобасы

Кәсіпорындарда 2 мыңға жуық адам еңбек етеді

6 апреля 2021 года
    

Шымкентте тәуелсіздік жылдары жалпы құны 660 млрд теңге болатын бес қымбат жоба жүзеге асырылды. Бұл туралы LS-ке қалалық әкімдікте хабарлады.

660,3 млрд теңгенің өндірістік қуаты құрылыс индустриясында, машина жасауда, мұнай химиясында, жеңіл өнеркәсіпте іске қосылды. Бұл кәсіпорындарда бүгінде 1,8 мың адам жұмыс істейді.

Ең қымбат жоба 580,39 млрд теңгеге мұнай өңдеу зауытын жаңғырту және қайта құру болып табылады. Бұл жұмыстар 2018 жылы аяқталды. Кәсіпорынның қуаттылығы – 6 млн тонна өнімді құрайды.

Сол жылы клинкер мен цемент шығаратын зауыт кеңейтілді. Осылайша, өндірістік қуаттылық жылына 1 млн тоннадан жылына 2 млн тоннаға дейін ұлғайтылды. Іске асыру құны 28,57 млрд теңге.

Тәуелсіздік жылдары іске асырылған ең қымбат жобалардың топ-3-іне 110-220 және 500 кВ күштік трансформаторлар өндірісін ұйымдастыру кіреді. Кәсіпорында жылына 120 трансформатор шығарылады.

Төртінші орында 20 млрд теңгеге цемент зауыты. Кәсіпорында жылына 1,2 млн тонна өнім шығарылады.

Ең қымбат жобалардың бестігін 11,26 млрд теңгеге кілем және кілем өнімдерін өндіру аяқтайды. Кәсіпорынның қуаттылығы 6 млн шаршы метр.

Бұған дейін LS қалада бес жыл ішінде жалпы құны 13,3 млрд теңге болатын 10 жылыжай кешенін ашуды жоспарлап отырғанын жазған болатын. Олардың іске қосылуы есебінен 380 жұмыс орны ашылады деп күтілуде. Сондай-ақ, LS Шымкентте агроиндустриалды аймақтың құрылуы қандай сатыда екендігі, сондай-ақ, оның аумағында қандай жобалар іске қосылатыны туралы жазды. Атап айтқанда, 6,3 млрд теңгеге алты жылыжай салынбақ. Аграрлық Шымкентті құру 1,5 млрд теңгега бағаланып отыр. Инфрақұрылым құрылысын бастау осы жылға жоспарланған болатын. Құзырлы орынның болжамдарына сәйкес, аймақ аумағында жылына 500 мың тонна ауыл шаруашылығы өнімі қайта өңделетін болады. Дайын өнімді тек ішкі нарықта ғана емес, жақын және алыс шетелдерде де сату жоспарда бар.

Естеріңізге сала кетейік, тәуелсіздік жылдары Қазақстанның ең қымбат ірі жобаларына 3 трлн теңгеге жуық қаржы салынды. Сондай-ақ, елде 2017-2020 жылдары $3,37 млрд-қа топ-10 қымбат жоба іске асырылғаны хабарланды, бұл ретте Шығыс Қазақстан облысында тәуелсіздік жылдары 693,6 млрд теңгеге 11 ірі өндіріс іске қосылса, елордада 130 млрд теңгеден астам сомаға тоғыз жоба іске асырылды.

Следите за нашим Telegram - каналом, чтобы не пропустить самое актуальное
Комментарии отключены!
Вы можете оставить комментарий и увидеть мнения наших читателей на странице в facebook.
Подпишись прямо сейчас
Подписка на самые интересные новости из мира бизнеса
Подписаться
© Все права защищены - LS — ИНФОРМАЦИОННОЕ АГЕНТСТВО    Условия использования материалов
Наше издание предоставляет возможность всем участникам рынка высказать свое мнение по процессам, происходящим, как в экономике, так и на финансовом рынке.