Қазақстанда жаңа көліктердің сатылымы артып келеді, деп хабарлайды LS Қазақстандық автобизнес қауымдастығына сілтеме жасап.
2021 жылғы маусымда мәмілелер саны өткен жылғы маусыммен салыстырғанда 21,18%-ға өскен. Барлығы 11,1 мың жаңа жеңіл автокөлік пен жеңіл коммерциялық техника, сондай-ақ, 926 жүк көлігі мен автобус сатылды.
"Автокөлік тапшылығы мен жоғары сұраныс бүкіл әлемде сақталуда. Дегенмен, 2021 жылдың бірінші жартыжылдығының қорытындысы бойынша қазақстандық нарық 55,8%-ға – 56,4 мың сатылған автомобильге дейін өсті", – деп атап өтті автобизнес қауымдастығында.
Он брендті Chevrolet басқарады – 14 754 бірлік, екінші орында 12 238 автомобиль – Hyundai, үшінші орында Toyota – 6 979 автомобиль. Бестікке Toyota, Kia және Lada – 6 979 бірлік, 4 097 және 3 603 бірлік кірді. Алтыншы орында Volkswagen (2 092 бірлік), жетінші орында Nissan (1 663), сегізінші орында Renault (1 594). Тоғызыншы және оныншы орында JAC (1 034) және Lexus (944 бірлік).
2021 жылдың I жартыжылдығындағы ең танымал 10 модель: Chevrolet Nexia (6 926 бірлік), Chevrolet Cobalt (6 346) және Hyundai Accent (5 276). Бұдан әрі тізім бойынша: Toyota Camry (2 728), Kia Rio (2 655), Hyundai Creta (2 317), Toyota RAV4 (1 825), Volkswagen Polo (1 463), Lada Vesta (1 288), Hyundai Tucson (1 284 бірлік).
