Қазақстанда шетелдіктер үшін жаңа визалар ашылады. Туризм және спорт министрлігінде LS-ке егжей-тегжейі айтылды.
Мәселен, NEO Nomad Visa (NNV) және Digital Nomad Visa (DNV) әзірленуде.
Бірінші – Neo Nomad Visa туристік қолжетімділігін арттыру есебінен елдің имиджін жақсарту үшін енгізіледі деп жоспарлануда. Әзірленген жобаға сәйкес, бұл рұқсат белгілі бір табыс деңгейі бар шетелдіктерге беріледі. Виза Қазақстанда жұмысқа орналасу мүмкіндігінсіз бір жыл өмір сүруге құқық береді.
Қазіргі уақытта осы мәселе бойынша ведомствоаралық жұмыс тобы құрылды. NNV механизмі бойынша мемлекеттік органдардың бірыңғай ұстанымы пысықталуда.
Екінші – Digital Nomad Visa-ны енгізу бойынша цифрлық даму, инновациялар және аэроғарыш өнеркәсібі министрлігі жұмыс істеуде. DNV есебінен шетелдік IT-мамандарды тарту және оларды Қазақстанда жұмысқа орналастыру жоспарлануда.
Сонымен қатар, туризм министрлігінде Өзбекстанмен бірлесе әзірленіп жатқан Silk Road Visa (SRV) туралы сұраққа жауап берілді. Ол Қазақстан мен Өзбекстан аумақтары шегінде үшінші елдерден туристердің кіруі, жүріп-тұруы және шығуы үшін оңтайлы жағдайлар жасауға тиіс еді. Тіпті екі мемлекеттің үкіметтері арасында белгіленген аумақтар мен аудандар шегінде туристік рұқсаттарды өзара тану туралы келісімнің жобасы әзірленді.
Екі республика да визасыз елдердің тізімін белсенді түрде кеңейтті. Бүгінгі таңда Қазақстанда 82 ел үшін, Өзбекстанда 90 ел үшін визасыз режим енгізілді. Екі елдің тізімінде 70 мемлекет бар. Осыған байланысты SRV енгізу мүмкін болмады.
