Алматы облысында тағы бір жаңа қала – Нұркент салынып жатыр, деп хабарлайды LS.
Жаңа қала Панфилов ауданында бой көтереді. Нұркентте 99 мың адам тұрады деп күтілуде. Алматы облысының құрылыс басқармасынан хабарлағандай, биыл 48,3 млн теңгеге сегіз 60 пәтерлі тұрғын үй салу жобасы әзірленбек.
"Осы мақсатқа 5 млн теңге бөлінді. Жобаны 2023 жылы аяқтау жоспарланған", - деп атап өтті мемлекеттік мекемеде.
Үйлердің құрылысы шамамен 6,5 млрд теңгеге түседі. Қазіргі уақытта дәл осындай екі тұрғын үй ғимаратының құрылысы жүріп жатыр. Жалпы құны – 1,4 млрд теңге. Олар 2022 жылдың маусым айында тапсырылады деп күтілуде.
Сонымен қатар, Панфилов ауданында 2,5 млрд теңгеге 80 пәтерлі екі тұрғын үйдің құрылысы жүріп жатыр. Жоба 40%-ға аяқталды.
"Қаржыландыру көзі республикалық және жергілікті бюджеттен. Аяқтау мерзімі – 2022 жылдың қараша айы", - деп хабарлады басқармадан.
Өткен жылы 993,4 млн теңгеге екі 60 пәтерлі тұрғын үй салынды. Инфрақұрылымға келетін болсақ, қалада осы мақсаттарға 3,1 млрд теңге жұмсалды. Басқармада сондай-ақ, Нұркенттің 2017 жылы бекітілген бас жоспары өзгерту жоспарланбағанын атап өтті.
Естеріңізге сала кетейік, жаңа қаланың құрылысы туралы 2016 жылдың қыркүйек айында Панфилов ауданында, Қазақстан – Қытай шекарасында белгілі болды.
