Қазақстанның шығысы мен батысында Ресей валютасы белсенді түрде сатып алынды, деп хабарлайды LS.
Ұлттық банктің мәліметінше, қазан айында еліміздің айырбастаушылары 197,3 млрд теңгеге шетел валютасын сатқан. Бұл ағымдағы жылдың басындағыдан 9,04%-ға аз.
Сатудың негізгі көлемі долларға тиесілі – 170,1 млрд теңге (қаңтармен салыстырғанда – 10,5%). Дәстүр бойынша АҚШ валютасының басым бөлігі Шымкент, Алматы және Астанада сатып алынды.
Сондай-ақ, Еуроға сұраныс төмендеді: 21,6 млрд теңгеден 18 млрд теңгеге дейін (-16,7%).
Сонымен қатар, халықтың Ресей валютасына деген қызығушылығы айтарлықтай өсті. Егер қаңтар айында айырбастаушылар рубльді 4,8 млрд теңгеге сатса, қазан айында – 8,8 млрд теңгеге. Өсім – 1,8 есе.
Өңірлер бөлінісінде рубльдер БҚО-да шамамен 1,5 млрд теңге, ШҚО-да – 1,05 млрд теңге, Қарағанды облысында – 833,9 млн теңге сатып алынды.
Қытай валютасына сұраныс жоғары. Өткен айда халық 153,8 млн теңгеге (+2,3 есе) юань сатып алды.
