Қазақстан Еуропа елдеріне электр энергиясын экспорттау мүмкіндігін қарастыруда. Энергетика министрлігінде LS-ке егжей-тегжейін айтылды.
Министрліктің ақпараты бойынша, Қазақстандағы электр энергиясының ағымдағы тапшылығына қарамастан, батыс өңірлерде жаңартылатын энергия көздерін (ЖЭК) дамытудың елеулі әлеуеті бар. Соның ішінде жел және күн генерациясы.
Бұдан басқа, газ саласындағы жаңа тарифтік саясат жер қойнауын пайдаланушыларды энергетика қажеттіліктері үшін осы шикізатты өндіру көлемін ұлғайтуға ынталандырады деп күтілуде.
"Болашақта генерацияның дамуын ескере отырып, батыс өңірінің тепе-теңдігі Еуропа елдеріне электр энергиясының экспорттық әлеуетіне мүмкіндік береді. Осыған ретте Каспий түбіне терең су кабелін төсеу бойынша бірлескен жобасының маңыздылығын атап өтеміз", - деп түсіндірді энергетика министрлігінде.
Бұған дейін, министрлік басшысы Алмасадам Сәтқалиев Қазақстан Әзірбайжанмен Түркияға, Еуропаға электр энергиясын жеткізу үшін жоғары вольтты кабельдерді өткізу бойынша келіссөздер жүргізіп жатқанын хабарлады.
Энергетика министрлігі осы жобаның әлеуетін зерделеу аясында екі елдің энергетика ведомстволары өкілдерінің қатысуымен кеңес өткенін атап өтті. Тараптар осы бағытта жұмыс тобын құруға келісті.
