Қазақстанға шетелден көбірек бензин әкеліне бастады, деп хабарлайды LS.
Осы жылдың қаңтар-мамыр айларында елге осы мұнай өнімінің 21,1 мың тоннасы импортталды. Бұл өткен жылдың сәйкес кезеңімен салыстырғанда төрт есеге көп.
Негізінен бензин Ресейден жеткізілді – 16,3 мың тонна (+3,3 рет). Қырғызстаннан, Румыния және Германиядан аз мөлшерде сатып алынды.
Бірақ ауыр және орташа дистилляттарды импорттауда жергілікті нарықта қажеттілік аз болды. Бес ай ішінде Қазақстанға дизель отыны, мазут және керосин – 145,2 мың тоннадан 3,4 есе аз әкелінді.
Қазақстандықтарды осы тауарлармен Ресей – 100,5 мың тонна (-4,4 есе), Түркия – 5,7 мың тонна (+32,2%), Бельгия – 4 мың тонна (-29,8%), Германия – 3,9 мың тонна (-12,5%), Оңтүстік Корея – 2,5 мың тонна (-1,6 есе), Франция – 1,5 мың тонна (-24,9%), АҚШ – 1 мың тонна (-1,5 есе), Гонконг – 813,6 тонна қамтамасыз етті.
Сонымен қатар, Қазақстаннан жана-жағармай экспорты қысқарды. Жергілікті нарықтан дизель, газойль, мазут және керосин 1,5 есе аз сатылды – 783,6 мың тонна.
Бұл мұнай өнімдері Өзбекстан, Әзірбайжан, Қырғызстан, Нидерланды, Түркия және Данияға жеткізілді.
Бензин экспорты да төмендеді – 4,4 есе, 10,9 мың тоннаға дейін. Ол көрші елдерге – Ресей мен Қырғызстанға жеткізілді.
Пропан мен бутан Тәжікстан, Польша, Түркия, Ауғанстан, Қытай және Финляндияға 21%- ға аз сатылды – 317 мың тонна.
