Қазақстанда 2021 жылы мыңнан астам жоба басталды, олардың 90%-ы Ұлттық қор есебінен қаржыландырылды. Бұл ретте 64 жоба аяқталмай қалды деп хабарлайды LS.
Сенатта үкіметтің 2021 жылғы бюджеттің орындалуы туралы есебі қаралды. Талқылау барысында есеп комитетінің төрайымы Наталья Годунова мемлекеттік аудитпен анықталған бұзушылықтар мен жүйелі проблемалар туралы айтты.
"2021 жылы республикалық бюджет шығыстарының Ұлттық қордан берілетін кепілдік, нысаналы трансферттерді және қарыздар түсімдерін есептемегенде таза кірістермен қамтамасыз етілуі 50%-ды құрады. Бұл біздің шикізат секторын есепке алмағанда нақты мүмкіндіктеріміз. Бюджеттің шектеулігiне қарамастан, 2021 жылы біз 1,1 мыңнан астам жаңа жобаны бастадық. Жобалардың 90%-ы Ұлттық қор қаражаты есебінен іске асырылды. Сонымен қатар, 64 жоба аяқталған жоқ", - деді ол.
Годунованың айтуынша, Ұлттық қор қаражатын жұмсау бекітілген тұжырымдамаға сай келмейді. Екіншіден, бұл бағыттағы қадамдар әлемдік экономиканың дамуы болжамына қарама-қайшы. Мәселен, Дүниежүзілік банктің ақпараты бойынша, әлемдік экономиканың өсу қарқыны 2021 жылғы 5,7%-дан 2022 жылы 2,9%-ға дейін күрт төмендейді. Оған қоса, Қазақстан экономикасына да әсер ететін басқа да сыртқы жағымсыз факторлар бар деді спикер.
"Қазақстан үкіметі бұл тәуекелдерге дайын болуы керек. Биыл бізді мұнай бағасы құтқарып тұр. Алайда, Ұлттық қордан бөлінген қаражаттың жартысынан көбі ағымдағы жылғы іс-шараларға жұмсалмақ. Қазір келесі жылға арналған республикалық бюджетті қалыптастыру кезінде дәл солай болып жатқан сияқты. Қарапайым логикаға жүгінсек, ағымдағы бюджет толығымен қалыптасуы керек деп болжаймыз, содан кейін ғана даму бюджеті қалыптасады. Қаржы жылының ортасында Ұлттық қордан қаражат бөлу туралы мәселені назардан тыс қалдырмау үшін қаржы министрлігі осы бағытты ұстанады деп есептейміз", - деп атап өтті ол.
Годунованың айтуынша, 2021 жылы бұзушылықтар өткен жылмен салыстырғанда 27%-ға аз анықталған. 413 млрд теңгеге қаражат тиімсіз пайдаланылып, оның ішінде қаржылық бұзушылықтар – 79 млрд, оның 85%-ы бухгалтерлік есепке алынды. 200 млрд теңгеден астам қаражат тиімсіз жоспарланып, пайдаланылған. Республикалық бюджетке қайтарылған қаражат 17 млрд теңгені, қолма-қол ақшаны бақылау шоттарындағы қалдықтар 47 млрд теңгені құрады.
