Жаз айында елде электр энергиясына тарифтердің өсуі күтілуде. Бұл туралы LS-ке Ұлттық экономика министрі Әлібек Қуантыров мәлімдеді.
Министр электр энергиясына тарифтің өсуі бірден болмайды деп уәде берді, өйткені төлем бағасы бірінші кезекте халық үшін ыңғайлы болуы керек.
"Біз тек тарифтер арқылы, желілерді жаңғыртып қана қоймай, жылу электр орталықтарының да (ЖЭО) мәселелерін шешетін боламыз. "Самұрық Энерго" ұсынысы түсінікті. Тек тарифтің кем дегенде 60%-зы ЖЭО-на байланысты. Бұл энергетика министрлігі жауап беретін энергия өндіруші ұйымдар", - деді Қуантыров.
Ол тарифтердің едәуір бөлігін осы ведомство шешетінін атап өтті. Қуантыровтың сөзінше, бірқатар өңірлерде желілердің, оның ішінде жылу бойынша электр желілерінің тозуы 80%-дан асады.
"Бұл мәселені тек тарифтер арқылы шешілмейді. Жауапкершілік пен инвестицияның бір бөлігі иелеріне жүктеледі. Қазір негізгі жүктеме бюджетке түсіп отыр", - деді министр.
Қуантыровтың айтуынша, тарифтердің көтерілуінің тағы бір себебі – тұрғын үй – коммуналдық шаруашылық (ТКШ) саласы қызметкерлерінің жалақысын көтеру қажеттілігі. Министрлік басшысы бұл салаға қарағанда жалақысы екі есе аз бірнеше жүз мың адам туралы айтып отырғанын айтты. Оның ішінде слесарлар мен сантехниктер сияқты мамандықтар бар.
Қуантыров сондай-ақ, өсім әр өңірде әртүрлі көрсеткіште болатынын айтты.
"Мысалы, Екібастұз тарифтердің 108%-ға өскенін мәлімдеді. Мұндай жағдайға жол берілмеу керек. Тиісінше, біз бағаны бірнеше рет төмендетеміз. Себебі тарифтер халық үшін қолайлы болғаны орынды. Сонымен бірге ресурстарды үнемдеп пайдалануымыз қажет. Каскадты шектер енгізіледі, яғни орташа тұтынудан жоғары, баға басқаша болады. Орташа алғанда, өсім 10%-дан, мүмкін 30%-ға дейін көтеріледі", - деп түйіндеді министр.
Бұған дейін, "Самұрық Энерго" электр энергияның тапшылығын жариялап, оның себебі осы қызметке тарифтің жеткілікті жоғары емес екенін хабарлаған болатын.
