2020 жылы шетелдегі 5 мыңға жуық жылжымайтын мүлік нысанын қазақстандықтар декларациялады. Бұл туралы LS-ке мемлекеттік кірістер комитетінде хабарлады.
Мемлекеттік мекеменің ақпаратына сәйкес, өткен жылы қазақстандықтар 4,9 мың жылжымайтын мүлік объектісін есепке қойған. Бұл бір жыл бұрынғы көрсеткішпен салыстырғанда 12,5%-ға аз (2019 жылы 5,6 мың).
Қазақстандықтар Ресейде 3,5 мың жылжымайтын мүлік нысанын сатып алған. Сондай-ақ, 272 нысан Болгарияға, 216 – Түркияға, 187 – Испанияға, 69 – Біріккен Араб Әмірліктеріне тиесілі.
2019 жылы қазақстандықтрдың қалауы өзгеріссіз болды: Ресейде 4 мың нысан, Болгарияда – 307, Түркияда – 189, Испанияда – 182, Біріккен Араб Әмірліктерінде – 91.
