Қазақстанда несиелерді төлеу мерзімін өткізіп алғандар қатары бір жыл ішінде біршама аз қысқарды, деп хабарлайды LS.
Ұлттық банктің сайтында хабарланғандай, 2021 жылғы 1 сәуірдегі жағдай бойынша несиелер мерзімін өткізіп алу (бір жылдан астам) 1,01 трлн теңгені құрады. Ал 2020 жылғы көрсеткіш – 1,07 трлн теңге (-5,6%). Оның ішінде жеке тұлғаларға (ЖК қоса алғанда) 315,6 млрд теңге (-15,5%), заңды тұлғаларға – 702,3 млрд теңге (+0,1%) тиесілі.
Несиелердің басым бөлігі ұлттық валютада рәсімделген.
Өңірлер бойынша 1 трлн теңгеден астам қарыздың ең көп көлемі бұрынғысынша Алматыда – 453 млрд теңгеге жуық (-17,4%) және Нұр-Сұлтанда – 238,6 млрд теңге (+36,8%) тіркелді. Одан әрі ШҚО – 86,2 млрд теңге, Атырау облысы – 34,8 млрд теңге, Қарағанды облысы – 32 млрд теңгеге жуық және Шымкент – 30,3 млрд теңге.
Сонымен қатар, несиелер бойынша Жамбыл облысында – 11,8 млрд теңге, Қызылорда облысында – 10 млрд теңгеден астам, СҚО-да – 4,3 млрд теңге және Түркістан облысында – 2,5 млрд теңге қарыз болған.
Бұған дейін LS, қазақстандықтардың тұтынушылық несиелерінің өсуі жалғасып жатқаны туралы жазған болатын.