2021 жылдың I тоқсанында 84,5 мыңға жуық қазақстандық бір өңірден екіншіге көшіп, тұрақты тіркеуін ауыстырды. LS редакциясы халықтың ел ішінде қалай қозғалғанын анықтап көрді.
Көшуге таңдалған танымал бағыт Алматы болды. Ұлттық статистика бюросының деректеріне сәйкес, 2021 жылғы қаңтар-наурызда мегаполиске 16,9 мыңнан астам адам көшіп келген. Бұл 2020 жылға қарағанда 10,6%-ға аз. Қалаға бәрінен бұрын Алматы облысынан – 8,6 мың адам, Жамбыл облысынан – 1743 адам және Нұр-Сұлтан қаласынан – 1377 адам қоныс аударған.
Келесі орында Қазақстан астанасы. Бір жылда Нұр-Сұлтанға 16,4 мың адам (+2%) көшіп келді. Ақмола облысынан – 3551, Түркістан облысынан – 1589 және Қарағанды облысынан – 1567.
Өз кезегінде Шымкентте 12,6 мың адам тіркелген, бұл бір жыл бұрынғы санаққа қарағанда 16,3%-ға көп. Ең көп үлес Түркістан облысынан көшіп келгендер – 9,95 мың адам. Нұр-Сұлтаннан – 806 және Алматыдан – 455.
Сонымен қатар, Алматы облысы басқа өңірлерден 9,3 мың тұрғынмен толықты (-7,6%). Алматыдан – 4,74 мың адам, Жамбыл облысынан – 969 және Түркістан облысынан – 841 адам.
Түркістан облысына 7,8 мың адам (-21%) көшіп келді. Шымкенттен – 4,35 мың, Нұр-Сұлтаннан – 1120 және Алматыдан – 537 мың.
Ақмола облысына басқа өңірлерден 4 мың тұрғын қоныс аударды (-0,5%). Оның ішінде Нұр-Сұлтаннан – 2346, СҚО – 615 және Қарағанды облысынан – 198.
Жамбыл облысында басқа өңірлердің тұрғындары 3 мыңға жуық болды (+1,7%). Ең көбі Нұр-Сұлтаннан – 718 адам, Алматыдан – 649 және Алматы облысынан – 534 адам келді.
Бұдан басқа, Қарағанды облысына 2 мыңнан астам адам (-5,3%) көшіп келді. Оның ішінде Нұр-Сұлтантан – 642, Түркістан облысынан – 196 және Ақмола облысынан – 174 адам.
ШҚО-ға өз кезегінде 1939 адам (-3,1%) кетті. Негізінен, Нұр-Сұлтан қаласынан – 519, Алматы облысынан – 436 және Алматыдан – 363.
Басқа аймақтарға келетін болсақ, қаңтар-наурыз айларында Қызылорда облысына 1795 адам көшіп келді, бұл 2020 жылмен кезеңімен салыстырғанда 3%-ға аз. Маңғыстау – 1756 (-10,9%), Ақтөбе – 1461 (-13,9%), Павлодар – 1311 (-12%), Қостанай – 1190 (-5,9%), СҚО – 1064 (-16,7%), Атырау – 1028 (-23,6%) және БҚО – 911 (+4,5%).
Бұған дейін LS, 2020 жылдың қорытындысы бойынша Қазақстандағы ішкі көші-қон туралы жазған болатын.
