Тұрғын үй нарығында жалға алу құны жазға дейін жоғары болады. LS-ке мұндай болжамды Қазақстанның жылжымайтын мүлік федерациясының басшысы Ермек Мүсірепов мәлімдеді.
Ол қазіргі уақытта бір және екі бөлмелі пәтерлерді жалдау орташа есеппен 30%-ға қымбаттағанын айтты. Тамыз айында күрт өсу басталды.
"Бағаның шарықтауының бірден бір себебі үй иелері соңғы бір жарым жыл ішінде жоғалған пайданы толтырғысы келді. Біз ресми түрде карантинге жабылған кезде жалдау нарығы қатты құлдырады: барлық студенттер кетіп қалды", – деді Мүсірепов.
Оның болжамынша, 2021-2022 оқу жылының соңына дейін бағаның төмендеуі күтілмейді. Студенттердің демалысы кезінде болашақ жалдау тарифтері қандай болатыны белгілі болады.
"Дегенмен, пәтер жалдау құны бұдан былай төмендемеу қаупі бар. Табыстың жоғалуы, пандемия кезіндегі жұмыс жылжымайтын мүлік нарығына әсер етті. Сонымен қатар, ағымдағы өсуден кейін жалдау құны айтарлықтай өзгермейді. Өйткені адамдарда тұрғын үйді қымбат жалдауға мүмкіндік беретін кірістер жоқ", – деп болжайды LS сұхбатшысы.
Оның айтуынша, қазіргі уақытта Алматыда 2000 жылға дейін салынған панельді үйде бір бөлмелі пәтер 180 мың теңге тұрады. Нұр-Сұлтандағы жаңа кешенде – шамамен 150 мың теңге, елордада жаңа тұрғын үй кешендері көп екенін ескерсек.
Өз кезегінде Қазақстанның Біріккен риелторлар қауымдастығының президенті Лариса Степаненко оқу жылының басталуына және жатақханалардағы орындардың жетіспеуіне байланысты жылжымайтын мүлікті жалға беру бағасының екі есе өскенін атап өтті.
"Болжам бойынша, жыл соңына дейін барлық студенттер қоныстанып, жағдай тұрақтануы тиіс. Бірақ бағаның төмендеуі екіталай", – деді ол.
LS сұхбаттасушысының айтуынша, қазіргі уақытта бағалар күрт көтерілгеніне қарамастан, пәтерлерді жалға кетіп жатыр. Әсіресе бір және екі бөлмелі пәтерге және де университеттердің жанындағы тұрғын үйге сұраныс жоғары.
Бұған дейін, LS редакциясы Қазақстанда жалға алу құны күрт қымбаттағанын жазған болатын.
