Қазақстанда 2021 жылдың 10 айында жаңа тұрғын үйді сату бағасы 13,8%-ға өсті, деп хабарлайды LS.
Ұлттық статистика бюросының деректері бойынша жаңа тұрғын үйді сату бағасы 2021 жылғы қазанда 1 шаршы метр үшін 352 654 теңгені құрады, бұл жыл басындағыдан 13,8%-ға артық және бір жыл бұрынғыға қарағанда 14,6%-ға ұлғайған.
Сонымен қатар, абаттандырылған тұрғын үйді қайта сату құны жыл басынан қазан айына дейін 1 ш.м. үшін 19,6%-ға, 279 216 теңгеге дейін өсті, бұл ретте жыл ішіндегі өсім 23,7%-ды құрады.
Ал қазан айында жалдау ақысы 1 шаршы метр үшін 1888 теңгеге жетті, бұл жыл басындағыдан 15,1%-ға және бір жыл бұрынғыға қарағанда 16,9%-ға артық.
Ұлттық статистика бюросы сондай-ақ, 2013 жылдан 2020 жылға дейін тұрғын үй бағасының өсуі туралы деректерді келтірді.
Атап айтқанда, жаңа тұрғын үйлерді сату бойынша өсу қарқыны 2013-2015 жылдар аралығында 9,6%-дан 15,8%-ға дейін ұлғайды. Тек 2016 жылы 3,6%-ға төмендегенi тіркелді. Содан кейін 2017 жылдан бастап 2019 жылға дейін қарқын 1,3%-дан 6,4%-ға дейін өсті. 2020 жылдың қорытындысы бойынша көрсеткіш 5%.
Жаңа тұрғын үйді қайта сатуға келетін болсақ, бағаның өсу қарқыны 2013-2014 жылдары 13,8%-дан 17,6%-ға дейін өсті. Содан кейін үш жыл ішінде төмендеу байқалды – 9,1%-дан теріс 1,6%-ға дейін. 2018 жылдан бастап 2020 жылға дейін қарқын 1,9%-дан 13,2%-ға дейін ұлғайды.
Ал жалдау ақысы бойынша қарқын 2013 жылдан бастап 2016 жылға дейін – 13,7%-дан теріс 0,2%-ға дейін төмендеді, ал 2017 жылдан бастап 2020 жылға дейін – 3,8%-дан 8,1%-ға дейін ұлғайды.
