Қазақстанда кімдер зейнетақы жинақтарына тұрғын үйді сатып алу мүмкіндігіне ие

Қазақстандықтар зейнетақы есебінде шамамен 10 млн теңге жинақтауы керек

9 января 2020 года
    

Қазақстанда 100 мыңнан астам адам зейнетақы жинақтарын тұрғын үй сатып алуға немесе емделуге пайдалануға ниетті, деп хабарлайды LS.

Премьер-министрдің орынбасары Бердібек Сапарбаевтың айтуынша, арнайы жұмыс тобы құрылып оның құрамына белгілі ғалымдар, сарапшылар және т.б. енгізілген.

"Біз халықаралық тәжірибені зерттеп, зейнетақы жинақтарын пайдалануға қатысты Президент әкімшілігіне ұсыныстар енгіздік. Мен барлығы жинақталған сомаға байланысты болатынын атап өткім келеді. Біз барлық қазақстандықтарға қалыпты қарттықты қамтамасыз етуге тиіспіз. Яғни, адам зейнетке шыққан кезде оның өз шотында жақсы өмір сүруге жеткілікті болатын зейнетақы жинақтарының сомасы болуы тиіс", -деді ол.

Сапарбаев бүгінгі таңда қазақстандықтардың орташа өмір сүру ұзақтығы-73 жыл екенін айтты.

 "Зейнетақы қорында шоттары бар қазақстандықтардың жартысына жуығында-1 млн теңгеден артық емес. Ал жеткілікті сома – шамамен 10 млн теңгеден 12 млн теңгеге дейін. Мұндай соммамен бізде 102 мың адам ғана бар",-деп нақтылады ол.

Сапарбаев атап өткендей, дәл осы адамдар тұрғын үй қорын пайдалануға немесе емделуге рұқсат бергісі келеді.

"Мәселе біздің кепілді міндетті медициналық көмек көрсету немесе МӘМС желісі бойынша көзделмеген емдеу түрлері туралы болып отыр. Бұл ұсыныс әзірше Президент әкімшілігінде шешім тапқан жоқ. Қандай шешім қабылданғаны туралы біз сіздерге хабарлайтын боламыз",-деп атап өтті премьер-министрдің орынбасары.

Ол атап өткендей, халықаралық еңбек ұйымының талаптарына сәйкес қаражаттың кемінде 40% - ы зейнетақы есебінде қол сұғылмауы тиіс.

"Біз Сингапурдың тәжірибесін зерттедік. Назар аударатыны, бізде жинақтау жүйесі 21 жыл, ал сол Сингапур мен Еуропа елдерінде 50 жыл жұмыс істейді. Халықтың табысы бізге қарағанда әлдеқайда жоғары. Тиісінше, жинақтар да көп",- деп түйіндеді Сапарбаев.

Өз кезегінде еңбек және халықты қорғау министрі Біржан Нұрымбетов зейнетақы жасына жетудің міндетті еместігін түсіндірді.

"Егер адам бүгінде жас кезінен бастап жұмыс істеп, миллион ақша тауып, 40 жылға дейін жеткілікті қаражат жинап үлгерсе, ол оларды қазір пайдалана алады",-деді ол.

Министр журналистердің сұрақтарына жауап беру барысында, егер адамда 12,1 млн теңге болса, оның өз жинақтарынан тек 100 мың теңге ғана пайдалана алатындығы анықталды.

Бұрын хабарланғандай, қазақстандықтардың тұрғын үй сатып алу үшін зейнетақы ақшасын пайдалану жөніндегі ұсыныстарды жақын арада Президенттің қарауына енгізетін болады.

Естеріңізге сала кетейік, Қазақстанда зейнетақы жинақтарын тұрғын үй сатып алуға немесе білім алуға пайдалану ұсынылды. LS тілшілері мұндай модель қандай елдерде қолданылатынын білген болатын.

Бұған дейін Қазақстанда Сингапур тәжірибесі негізінде зейнетақы жүйесінің жаңа моделі ұсынылды. LS тілшілері сұхбат алған кәсіби қатысушылар оны іске асырудың мүмкіндіктері мен салдарын бағалаған еді.

Следите за нашим Telegram - каналом, чтобы не пропустить самое актуальное
Комментарии отключены!
Вы можете оставить комментарий и увидеть мнения наших читателей на странице в facebook.
Подпишись прямо сейчас
Подписка на самые интересные новости из мира бизнеса
Подписаться
© Все права защищены - LS — ИНФОРМАЦИОННОЕ АГЕНТСТВО    Условия использования материалов
Наше издание предоставляет возможность всем участникам рынка высказать свое мнение по процессам, происходящим, как в экономике, так и на финансовом рынке.