Президент Қасым-Жомарт Тоқаев ең төменгі жалақыны 2022 жылы 60 мың теңгеге дейін көтеруді тапсырды, деп хабарлайды LS.
Ол өз сөзінде елдегі ең төменгі жалақы 2018 жылдан бері көтерілмегенін атап өтті. Сонымен бірге, 2020 жылғы дағдарыс әлеуметтік шиеленісті күшейтті. Осы көрсеткіш бойынша Қазақстан ТМД елдері қатарында артта қалды.
Сондықтан Тоқаев ЕТЖ-ны (ең төменгі жалақы) 2022 жылғы 1 қаңтардан бастап ағымдағы 42,5 мың теңгеден 60 мың теңгеге дейін ұлғайту туралы шешім қабылдады.
"Бұл шара 1 млн-нан астам адамға тікелей, ал жанама түрде барлық жұмысшыларға әсер етеді. Сондай-ақ, ЕТЖ-нің ұлғаюы көлеңкелі жалақы қорын азайтады, ол қазір декларацияланатын жалақының 30-40%-ына жетіп тұр", - деп түсіндірді Тоқаев.
Оның айтуынша, елде тұтыну да артып, ЖІӨ 1,5%-ға өседі.
Тоқаев үкіметке ЕТЖ-ны салықтарды, әлеуметтік төлемдерді есептеуде орынсыз пайдаланудан алшақтауды тапсырды. Өзгерістер осы жылдың соңына дейін, 2022 жылдың қаңтарында күшіне енуімен енгізілуі тиіс.
Президент, сондай-ақ, еңбекақы төлеу қорын жеңілдетуді тапсырды.
"Бұл әсіресе микро және шағын кәсіпкерлік үшін айтарлықтай байқалады. Мұндай бизнес үшін жиынтық жүктемені 34%-дан 25%-ға дейін төмендете отырып, еңбекақы төлеу қорынан бірыңғай төлемді енгізуді ұсынамын. Бұл зейнетақы жүйесінің, әлеуметтік және медициналық сақтандыру жүйесінің толыққанды қатысушысы бола алатын мыңдаған қызметкерді көлеңкеден шығаруға ынталандырады. Бұл мәселеде кампанияға жол беруге болмайды. Бизнес үшін сәтсіздіктер мен шығындарды болдырмау үшін тиісті төлем жүйелерін дайындау қажет. Жүйе 2023 жылдың 1 қаңтарынан бастап жұмыс істеуі керек", - деп түсіндірді Тоқаев.
Бұдан басқа, президенттің тапсырмасы бойынша бюджет саласы қызметкерлерінің жалақысы 2025 жылға дейін жыл сайын 20%-ға өсетін болады.
