Қазақстанда бензин қайта қымбаттады

Петропавлда АИ-92 литріне 180 теңге

16 августа 2021 года
    

2021 жылдың шілдесінде АИ-92 құны 14,8%-ға өсті, деп хабарлайды LS.

Статистика деректері бойынша, осы жылдың шілде айында Қазақстанда ЖЖМ-нің бұл түрі орташа литріне 173,05 теңгеден сатылған. Бұл бір жыл бұрынғыға қарағанда 14,8%-ға артық. Бір ай ішінде отын 0,9%-ға қымбаттады. Бұл ретте Петропавлда АИ-92 литріне 180 теңгеден, ал Көкшетауда литріне 165 теңгеден сатылады. Алматыда жанар-жағар май литріне 173 теңгеден, Нұр-Сұлтанда –174 теңгеден, Шымкентте – 169 теңгеден сатылды.

АИ-95 бір жыл ішінде 15,3%-ға, литріне 197,73 теңгеге дейін қымбаттады. 0,6% айлық құрады. Ең қымбат отын Қостанайда сатылады – литріне 208 теңге, Қызылордада – 184 теңге. Нұр-Сұлтанда – литріне 201 теңге, Алматыда – 200 теңге, Шымкентте – 196 теңге.

АИ-98 шілде айында литріне 216,42 теңге болды. Бұл көрсеткіш бір жыл бұрынғымен салыстырғанда 14%-ға көп, бір ай бұрынғымен cәйкесінше, 0,5%-ға аз. Павлодар бойынша жанар-жағар майдың литрі 228 теңге, Көкшетауда – 194 теңге.  Нұр-Сұлтанда – 214 теңге, Алматыда – 215 теңге, Шымкентте – 220 теңге.

Жазғы дизель отыны бір айда литріне 196,32 теңгеге дейін 2%-дық өсімді көрсетеді. Бір жыл ішінде баға 6,4%-ға өсті. Жанар-жағармай бағасы Қостанайда – литріне 212 теңге, ал Семейде арзанырақ 191 теңге.

Бұған дейін LS редакциясы Қазақстанда бензин Ресейге қарағанда тезірек қымбаттап жатқанын хабарлаған болатын.

Следите за нашим Telegram - каналом, чтобы не пропустить самое актуальное
Комментарии отключены!
Вы можете оставить комментарий и увидеть мнения наших читателей на странице в facebook.
Подпишись прямо сейчас
Подписка на самые интересные новости из мира бизнеса
Подписаться
© Все права защищены - LS — ИНФОРМАЦИОННОЕ АГЕНТСТВО    Условия использования материалов
Наше издание предоставляет возможность всем участникам рынка высказать свое мнение по процессам, происходящим, как в экономике, так и на финансовом рынке.