Қазақстанда әйелдер ипотекасы бойынша қанша ақша берілді

Бағдарлама АДБ-ның қарыз қаражаты есебінен іске асырылады

26 августа 2021 года
    

Қазақстанда әйелдер ипотекасы бойынша 3 млрд теңгеден астам сомаға 400 өтінім мақұлданды, деп хабарлайды LS.

LS-тің Отбасы банктегі ресми сауалына жауап ретінде "Ұмай" әйелдер тұрғын үй несиелеу бағдарламасы іске қосылған сәттен бастап (2021 жылғы 12 сәуір) 475 өтінім қабылданғанын хабарлады. Оның ішінде 3,4 млрд теңгеге 400 мақұлданды, 2,7 млрд теңгеге 325 берілді.

"Бағдарлама Азиялық даму банкінің 38 млрд теңге мөлшеріндегі қарыз қаражаты есебінен іске асырылады және әйелдердің тұрғын үй жағдайын жақсартуға арналған. Осы жылдың соңына дейін бөлінген 8,4 млрд теңгені игеру жоспарлануда", – деп атап өтті қаржы институтында.

Естеріңізге сала кетейік, "Ұмай" бойынша қарызды 65 жасқа дейінгі жұмыс істейтін әйелдер мен зейнеткер әйелдер келесі ережелерді сақтай отырып ала алады:

- отбасының ең жоғары табысы – 320 мың теңге (зейнетақы шегеруінсіз және салық шегеруінсіз толық табыс);

- қатысушыда расталған табыстың міндетті түрде болуы;

- тұрғын үйдің болмауына қойылатын талаптар жоқ;

- тіркеу бойынша шектеулер жоқ.

Сондай-ақ, бір немесе екі қосалқы қарыз алушыны (туыстарын да, достарын да, таныстарын да) тарту мүмкіндігі бар.

Бұл ипотекалық бағдарлама мынадай шарттарда ұсынылады:

  • пайыздық мөлшерлеме – 12%, кейіннен оны тұрғын үй заемына өту кезінде жылдық 5-3,5%-ға дейін төмендету;
  • бастапқы жарна – 15%-дан бастап;
  • ең ұзақ мерзім – 25 жыл;
  • сатып алынатын тұрғын үйдің ең жоғарғы құны – 30 млн теңге;
  • қарыз сомасы – сатып алынатын жылжымайтын мүліктің бағалау құнының 80%-ы (отбасылық табысы 320 мың теңгеге дейін) немесе 85%-ы (отбасылық табысы 200 мың теңгеге дейін). Сатып алушы қалған соманы жылжымайтын мүлікті сатушыға бастапқы жарна ретінде дербес төлейді.

"Ұмай" ипотекасын ресімдеу үшін Отбасы банкте депозит ашу қажет (бұл ретте жарна төлеудің қажеті жоқ). Алайда болашақта тұрғын үй заемына көшу үшін салымдағы жинақ қажет болады. Несие бойынша мөлшерлеме депозиттің бағалау көрсеткішіне байланысты 12%-дан 5%-ға дейін немесе жылдық 3,5%-ға дейін төмендейді.

Тұрғын үй заемына көшу үшін депозитке кемінде үш жыл, жинақ сомасы – қарыз сомасының 50%-ын құрауы, ал бағалау көрсеткіші – 16 деңгейінде болуы тиіс.

"Ипотекалық несиені бастапқы және қайталама нарықтардан пәтер сатып алуға, сондай-ақ, меншікті тұрғын үйді жөндеуге пайдалануға болады (бұл жағдайда несиенің ең жоғары сомасы 3,7 млн теңгені құрайды, бастапқы жарна – 0%)", – деп түйіндеді Отбасы банкінде.

Следите за нашим Telegram - каналом, чтобы не пропустить самое актуальное
Комментарии отключены!
Вы можете оставить комментарий и увидеть мнения наших читателей на странице в facebook.
Подпишись прямо сейчас
Подписка на самые интересные новости из мира бизнеса
Подписаться
© Все права защищены - LS — ИНФОРМАЦИОННОЕ АГЕНТСТВО    Условия использования материалов
Наше издание предоставляет возможность всем участникам рынка высказать свое мнение по процессам, происходящим, как в экономике, так и на финансовом рынке.