Қазақстан 2025 жылдың қаңтарына дейін +997 жаңа телефон кодына толығымен көшеді. Бұл туралы LS-ке телекоммуникация комитетінде хабарлады.
Ведомствоның мәліметінше, елімізде байланыс желілерінде +997 телефон кодына көшу 2025 жылдың қаңтарына жоспарланған. Бұл кодты Қазақстан 2021 жылы резервке қойған.
Комитеттің ақпараты бойынша, халықаралық электр байланысы одағының ұсынымдарына сәйкес, көшу кезінде елдің қолданыстағы және жаңа коды қатарынан екі жыл бойы пайдаланылмақ.
Халықаралық интернет-платформаларды жаңа телефон кодтарына ауыстыру туралы ведомство әртүрлі мессенджерлерде, әлеуметтік желілерде сәйкестендіру кезінде халықтың абоненттік нөмірін өзгерту мәселесін осы қосымшалардың иелерімен пысықтау жоспарланғанын атап өтті.