Алматыдағы жанармай тапшылығына қатысты энергетика министрлігі пікір білдірді

Мегаполисте баға АИ-92 литріне 169-ден 175 теңгеге дейін жетті

25 июня 2021 года
    

Энергетика министрлігі Алматыдағы жанармай тапшылығы туралы ақпаратқа түсініктеме берді, деп хабарлайды LS.

Министрліктің мәліметінше, мегаполисте отын тапшылығы байқалмайды. 2021 жылғы 23 маусымдағы жағдай бойынша Алматыда АИ-92 маркалы бензиннің жиынтық қоры 30,3 мың тоннаны құрайды, бұл өңірдің 19 тәуліктік қажеттілігін өтеуге жеткілікті. Дизель отыны бойынша қор 10,9 мың тоннаға жетеді, бұл өңірдің 18 тәуліктік қажеттілігін өтейді.

"Ай сайын АИ-92 бензині бойынша тұтыну 48,9 мың тоннаны (тәулігіне 1,6 мың тонна), дизель отыны бойынша 18,3 мың тоннаны (тәулігіне 0,6 мың тонна) құрайды. Бүгінгі күні Алматы АЖС АИ-92 бензині бойынша бөлшек сауда бағасы литріне 169 теңгеден 175 теңгеге дейін. Дизель отыны бойынша литріне 192 теңгеден 205 теңгеге дейін", – деп атап өтті министрліктің баспасөз қызметінде.

Министрлікте 6 мамырдан 10 маусымға дейін Шымкенттің жоспарлы – алдын алу жөндеуінде болғанын қосты. Бүгінде жөндеу жұмыстары аяқталды. Барлық қондырғылар тұрақты жұмыс істейді. 2021 жылғы 14-23 маусым аралығында Алматыда 7 мың тонна бензин және 5 мың тонна дизель отыны тиелді.

"Барлық МӨЗ тәулік сайын мұнай өнімдерін өндірумен және ішкі нарыққа жөнелтумен штаттық режимде жұмыс істеп жатыр", – деп нақтылады энергетика министрлігінде.

Мұнай-газ саласының сарапшысы Сергей Смирнов өз алдына Алматыда ЖЖМ тапшылығы байқалмайтынын хабарлады. Ол ұсыныс Шымкентте МӨЗ-дің жоспарлы жөндеуге тоқтауына байланысты төмендегенін, алайда қазір жағдай тұрақтанғанын атап өтті. Сонымен қатар, ол басқа екі ірі мұнай өңдеу зауыттарын жоспарлы жөндеуге тоқтағаннан кейін отын тапшылығы туындауы мүмкін деген пікір білдірді.

Естеріңізге сала кетейік, бұған дейін Қазақстанның оңтүстігінде ЖЖМ тапшылығы байқалған болатын. Энергетика министрлігі бұл мәселені шешуге уәде берді. Осыған орай сарапшылар жанармай бағасының өсуін болжады.

Следите за нашим Telegram - каналом, чтобы не пропустить самое актуальное
Комментарии отключены!
Вы можете оставить комментарий и увидеть мнения наших читателей на странице в facebook.
Подпишись прямо сейчас
Подписка на самые интересные новости из мира бизнеса
Подписаться
© Все права защищены - LS — ИНФОРМАЦИОННОЕ АГЕНТСТВО    Условия использования материалов
Наше издание предоставляет возможность всем участникам рынка высказать свое мнение по процессам, происходящим, как в экономике, так и на финансовом рынке.