Қызылорда облысында 1 млрд теңгеге ет комбинаты салына бастады. Бұл туралы LS-ке ауыл шаруашылығы министрлігінде хабарлады.
Нысан 2020 жылы іске қосылады деп күтілген еді. Алайда ет комбинатын іске қосу 2021 жылдың IV тоқсанына жоспарланған. Құрылыс жұмыстары басталып кетті.
"Ет комбинатын салу жобасының құны 1 млрд теңгеге бағаланып отыр", - деп хабарлады LS-ке.
Сондай-ақ, сыртқы инженерлік желілердің жобалық құжаттамасы мемлекеттік сараптамадан өткендігі атап өтілді.
"Бизнестің жол картасы-2020" бағдарламасы аясында облыстық бюджеттен сумен жабдықтауға 10 млн теңге, сметалық құны – 49,5 млн теңге бөлінді", -деп толықтырды министрлікте.
Ақпаратқа сәйкес, өндіріс қуаттылығы жылына 5 мың тонна етті құрайды.
Бұған дейін LS тiлшілерi бұл жобаны іске асыру 832,5 млн теңгеге бағаланғанын жазған болатын. Сондай-ақ, өнім тек Қазақстанда ғана емес, Иранға да экспортталмақ.
