Қытаймен шекарада жүк тасымалының қиындықтары қалай шешілмек

6 апреля 2023 года
    

Қазақстан мен Қытай шекарасындағы көлеңкелі қызметтер нарығында жүк тасымалдаушылардан $40 мың-ға дейін ақы алынды. Бұл туралы LS-ке Бас көлік прокуратурасында хабарлады.

Ведомствоның мәліметінше, қазіргі уақытта наурыз айында қатты кептелістер байқалған "Нұр Жолы" кеден бекетінде жүк тасымалдаушылардың проблемалық мәселелері шешілуде.

2023 жылғы 24-31 наурыз аралығында Ведомствоаралық жұмыс тобы "Нұр Жолы" өткізу пунктіне барып, жүк тасымалдаушылармен, мемлекеттік және уәкілетті органдардың өкілдерімен кездесулер өткізді.  Анықталғандай, шекара маңындағы дүрбелең "E-border" бағдарламасы жұмыс алгоритмінің жетіксіздігінен орын алған. Бағдарлама жеңіл және ауыл шаруашылығы автокөліктерінің, сондай-ақ жүктерді тасымалдау үшін ҚХР-на шығуға иелерінің мақсаты болмаған автобустардың тіркеу деректерін пайдалану арқылы кезек орындарын "броньдауға" мүмкіндік берді.     

Мөлшерлемесі $40 мың-на дейін жеткен жүк тасымалдау бойынша "көлеңкелі қызмет көрсету нарығының" белсенділігімен бұл жағдай күрделене түсті.

"Жұмыс тобының ұсынысымен кезектен 2000 жуық автокөлік алынып тасталды, оның ішінде жеңіл, сондай-ақ бұрын есептен алынған не есепте тұрмағандары бар. "E-border" бойынша тізімді пайдалануды а.ж. 16 сәуірінен тоқтату туралы шешім қабылданды", - деп хабарлады Бас көлік прокуратурасында.

"CarGoRuqsat" жаңа электрондық кезек жүйесінде бұл олқылықтар ішкі істер органдарының дерекқорларымен интеграциялау арқылы ескерілді. Бұл кезектілікпен байланысты алыпсатарлық жасау мүмкіндігін жояды.

Сондай-ақ, өткізу пунктінің аумағында қалдырып кеткен 80-ге жуық ауыр жүк көліктері болды, олардың жүргізушілері тасымалдау қызметтерінің құнын жасанды түрде қымбаттату үшін қасақана ұзақ уақыт бойы ҚХР-на шығуды кешіктірді.

Осы проблемаларды жою үшін технологиялық схемаға түзетулер жобасы дайындалды, оған сәйкес жүк тасымалдаушылар бұдан былай өткізу пунктінің аумағында 72 сағаттан артық болмауы тиіс.

Сонымен қатар, ҚХР-на виза алу мәселесі де көтерілді. Жүргізушілердің көпшілігінде виза жоқ және тиісті визасы бар басқа жүргізушілермен ақылы келіссөздер жүргізуге мәжбүр.

Бас көлік прокуратурасы Сыртқы істер министрлігіне виза алу тәртібі мен шарттарын кеңінен жариялауды, сондай-ақ қажет болған жағдайда осы мәселе бойынша жүк тасымалдаушылармен көшпелі кездесулер өткізуді ұсынды.

Бас көлік прокуратурасының бастамасымен жүктерді тасымалдауға халықаралық рұқсат алу шарттарын жақсарту үшін оны тікелей өткізу пунктінде беруді, сондай-ақ жүк тасымалдаушылар үшін артық талаптарды алып тастауды көздейтін ИИДМ мен МКК бірлескен бұйрыққа қол қойды.

Следите за нашим Telegram - каналом, чтобы не пропустить самое актуальное
Комментарии отключены!
Вы можете оставить комментарий и увидеть мнения наших читателей на странице в facebook.
Подпишись прямо сейчас
Подписка на самые интересные новости из мира бизнеса
Подписаться
© Все права защищены - LS — ИНФОРМАЦИОННОЕ АГЕНТСТВО    Условия использования материалов
Наше издание предоставляет возможность всем участникам рынка высказать свое мнение по процессам, происходящим, как в экономике, так и на финансовом рынке.