Қазақстанда 1 мамырдан бастап зейнетақы қорындағы шоттарға кепілдік берілген өтем сомалары* ерікті зейнетақы жарналары ретінде аударыла бастайды, деп хабарлайды LS.
БЖЗҚ ақпаратына сәйкес, мамыр айының басынан бастап "Кейбір заңнамалық актілерге экономикалық өсімді қалпына келтіру мәселелері бойынша өзгерістер мен толықтырулар енгізу туралы" заң нормалары қолданысқа енгізіледі.
"1 мамырдан бастап кепілдік берілген өтеудің талап етілмеген сомалары ерікті зейнетақы жарналары бойынша шоттарға аударылады. Бұл дегеніміз, егер лицензиясынан айырылған депозиттің салымшысы кепілдік берілген өтемді төлеу басталған күннен бастап бір жыл ішінде ҚДКБҚ-ға жүгінбесе, онда ҚДКБҚ талап етілмеген соманы жеке зейнетақы шотына (ЖЗШ) аудару үшін БЖЗҚ-ға аударады", - деп түсіндірді зейнетақы қорында.
Бұдан басқа, 1 мамырдан бастап БЖЗҚ-ға келіп түскен ерікті жарналарды есепке алу үшін ЖЗШ автоматты түрде ашылады:
- жеке тұлға-салымшыдан өз табысы есебінен немесе алушының пайдасына салымшыдан өз пайдасына ерікті зейнетақы жарнасы;
- ҚДКБҚ-дан кепілдікті өтеудің талап етілмеген сомасы.
"Егер салымшыда ЖЗШ болса, онда талап етілмеген кепілдік өтем сомасы осы шотқа есептелетін болады", - деп түйіндеді БЖЗҚ-да.
Бұған дейін, LS Қазақстанда ең көп зейнетақы жинағандар туралы жазған болатын.
* Кепілдік берілген өтем сомасына депозиттер ғана емес, лицензиясыз қалған банк салымшыларының шоттары бар карточкалар да кіреді.
