Қазақстан Каспий құбыр консорциумы (КҚК) арқылы 68 млн тонна мұнай тасымалдай алады, деп хабарлайды LS.
Ақордада журналистермен кездескен энергетика министрі Ерлан Ақкенженов КҚК жағдайына қатысты мәлімдеді.
"Қазір КҚК-ның ешқандай баламасы жоқ. Биыл біз 72 млн тонна тасымалдауды жоспарлаған едік. Егер 68 млн тоннаға жетсек, ол да жаман емес. Бірақ ойлаңызшы, 68 млн тоннаны басқа қай маршрутпен жеткізуге болады?" – деді ол.
Бұған дейін, "ҚазТрансОйл" желтоқсанда мұнай ағындарын КҚК жүйесінен Самара мен Батыс ТрансДнепровский бағыттарына қайта бағыттайтынын хабарлаған еді.
Энергетика министрлігінде Қашаған мұнайының Қытайға жөнелтіліп жатқанын растады және КҚК терминалындағы оқиға экспортты тоқтатпағанын айтты.
Еске салсақ, қараша айының соңында КҚК-да украиналық ұшқышсыз катерлердің шабуылы салдарынан ВПУ-2 айтарлықтай зақымданды. Консорциум бұл оқиғаны лаңкестік акт деп атады. Сол уақыттан кейін мұнай тек бір ғана айлақ арқылы жөнелтілді, себебі ВПУ-3 жоспарлы жөндеу жұмыстарына байланысты тоқтатылған болатын.
