Ұлттық банк $1 млрд валюталық интервенциялар жүргізді, деп хабарлайды LS.
Брифинг барысында Ұлттық банк басшысы Тимур Сүлейменов соңғы екі жылда елдің валюта нарығындағы сауда-саттық көлемі рекордтық деңгейге жеткенін атап өтті.
"Кеше бізде $770 млн, алдыңғы күні шамамен $560 млн. Биржадағы барлық адамды алыпсатарлар деп атайтын болсаңыз, онда бұл пікірмен келісуге болады. Бірақ бірде-бір алыпсатар $770 млн сата алмайтынын түсініңіз, сондықтан бұл алыпсатарлық қысым емес, керісінше бүкіл нарықтың теңгенің жаңа деңгейін іздеуі", - деп атап өтті ол.
Елдің бас банкирі алыпсатарлық бұрын болған болуы мүмкін деп мәлімдеді. Алайда, қазір оның пікірінше, теңгенің долларға шаққандағы бағамына жаңа факторлар мен айналада болып жатқан өзгерістер әсер етуде.
"Бұл алыпсатарлық қысым емес, нарықтық (...) кеше шамамен $1 млрд сауда-саттық жасалды, $1 млрд өтті. Сондықтан мұны барлық ойыншылар жасады деп айтуға болады-нақты сектор, қаржы секторы, яғни нарық жалпы долларды да, теңгені де осылай бағалады. Сондықтан мен алыпсатарлық нәрселер туралы айтпас едім. Бұл нарықтың тепе-теңдіктің жаңа деңгейін іздеуі", - деп есептейді Ұлттық банк төрағасы.
Сондай-ақ, ол 16 қарашадан бастап олар $1 млрд валюталық интервенцияларды жүзеге асырғанын, қазір олар тоқтатылғанын жеткізді. Бұл ретте қаржы реттеушісі айырбас бағамының қатты ауытқуы жағдайында бұл операцияны жүргізуді жалғастыратынын жоққа шығармады.
"Квазимемлекеттік сектордың валюталық түсімнің 50% сату жөніндегі міндеттемесіне келетін болсақ, бұл қаулы күшіне енді. Олар қазір кірістерінің жартысын биржада сатуға міндетті, бірақ көріп отырғаныңыздай, бұл шара да көмектеспеді. Долларға сұраныс ұсыныстан әлдеқайда көп. Бұл тағы да бізде импортқа айтарлықтай тәуелділік бар екенін көрсетеді. Кез-келген ірі инвестициялық немесе инфрақұрылымдық жоба жабдықтарды, материалдарды, шикізатты және т.б. импорттауды қажет етеді, ал оларды сатып алу үшін доллар қажет. Сондықтан валюталық кірісті сату шарасы бәсеңсіді, бірақ ол жеткілікті валюта көлемін қамтамасыз етпеді. Әзірге біз бұл шараны сақтаймыз", - деп түйіндеді ол.
Бұған дейін, LS редакциясы Ұлттық банк базалық мөлшерлемені 14,25%-дан 15,25%-ға дейін көтергені туралы жазған болатын.
__wm.jpg)
