Тек жалақымен өмір сүретін қазақстандықтарға табыс туралы декларацияны тапсырудың қажеті жоқ, деп хабарлайды LS.
Мәжіліс депутаты Тілектес Адамбековтың айтуынша, салық кодексіне түзетулермен қазақстандықтардың есеп берудің бірыңғай мерзімі – 15 қыркүйекке дейін белгіленеді. Қазір жеке тұлға декларацияны қағаз жеткізгіште 15 шілдеге дейін, ал электронды түрде – 15 қыркүйекке дейін тапсыруы тиіс, деп еске салды депутат.
Алайда, ол тек ресми табысы бар қазақстандықтарға ақпарат беру қаншалықты қажет деген мәселеге көбірек алаңдатады.
"Жыл сайынғы мүлік туралы декларацияда азаматтар жалақыны, зейнетақыны және әлеуметтік төлемдерді қоспағанда, қосымша дербес кірістерді ғана көрсетуі тиіс. Қазақстандықтарға ел аумағында мүлікті сатып алу және иеліктен шығару туралы ақпаратты көрсетудің қажеті жоқ. Бірақ көптеген азаматтардың жылдық табысы негізінен жалақы, зейнетақы және әлеуметтік төлемдер есебінен қалыптасатынын ескерсек, бос декларацияны тапсыру немесе онда нөл сомасын көрсету қажеттілігі бар ма? Мұндай адамдар жыл сайынғы декларацияны тапсырудан босатыла ма, жалпыға бірдей декларациялау қағидаттары бұзылмай ма?" деп ол жауапты ведомство өкілінен сұрады.
Бұған қаржы вице-министрі Ержан Біржанов 99% халықтың табысы жалақыдан тұратынын және бұл мемлекеттік органдарға ақпараттық жүйелерде көрінетінін түсіндірді.
"Азаматтардың мұндай санаты табыс туралы декларацияны тапсыра алмауы мүмкін. Бірақ тұжырымдаманы сақтау үшін жалпыға бірдей декларациялау процесін бастауға басқа активтерді көрсету қажет болады. Егер табыс тек жалақыдан тұрса, онда оны көрсетудің қажеті жоқ, ал егер басқа табыс көздері болса, онда мұндай қажеттілік бар", – деп түсіндірді ол.
Айта кетейік, мәжіліс бірінші оқылымда "Салық және бюджетке төленетін басқа да міндетті төлемдер туралы Кодекске өзгерістер мен толықтырулар енгізу туралы" және "Салық және бюджетке төленетін басқа да міндетті төлемдер туралы” Кодексті қолданысқа енгізу туралы" заң жобаларын, сондай-ақ, "ҚР кейбір заңнамалық актілеріне салық салу мәселелері бойынша өзгерістер мен толықтырулар енгізу туралы" заң жобаларын қабылдады.
Бұл түзетулер елімізде алдағы декларациялау процесін жеңілдететін нормаларды көздейді.
Бұған дейін, қазақстандықтар 2025 жылдан бастап табыс туралы декларацияны тапсыра бастайтыны хабарланған болатын.
Сонымен қатар, мемлекеттік кірістер комитеті LS-ке қандай активтер туралы есеп беру керектігін айтты.
Айта кетейік, биыл декларацияны (250.00-нысан) мемлекеттік мекемелердің қызметкерлері, квазимемлекеттік сектор субъектілерінің қызметкерлері және олардың жұбайлары тапсырады.
