Freedom Bank айдалған көліктерге ҚР-да алғашқы цифрлық автонесиені іске қосты, деп хабарлайды LS.
Қаржы институтының хабарлауынша, автокөлік сатып алу процесінің әр қадамы онлайн режимінде өтеді. Оның ішінде өтініш беру, көлікті бағалау, алу және есепке қою, нөмірді таңдау, кепілді тіркеу және шартқа қол қою.
"Қазақстандықтарға бұдан былай құжаттар жинап, банк пен ХҚКО-ға барудың қажеті жоқ. Банк сайтында үш жолды толтыру жеткілікті – телефон нөмірі, ЖСН және машинаның мемлекеттік нөмірі. Бұл ҚР цифрлық даму, инновациялар және аэроғарыш өнеркәсібі министрлігімен және ҚР Ішкі істер министрлігімен бірлескен жұмыстың арқасында мүмкін болды. Енді жүйе сатушыны тексеріп, машинаны бірнеше минут ішінде тегін бағалай алады. Бұл ретте көлік туралы барлық ақпаратты – өтімділігiн, сату тарихын, ЖКО-ға қатысу мүмкіндігі және т.б. ескеріледі", - деп атап өтті Freedom Bank директорлар кеңесі төрағасының кеңесшісі Айдос Жұмағұлов.
Цифрлық автонесие бойынша мөлшерлеме 19%-дан (СЖТМ 20,7%-дан) басталады, несиелеу мерзімі – 7 жылға дейін, ал бастапқы жарна – 20%-дан басталады. Құны 15-ден 25 млн теңгеге дейінгі, әлемдік брендтердің (Еуропа, Оңтүстік Корея, АҚШ, Жапония) машиналарына несие мерзімі аяқталған сәтте 15 жылдан және ТМД елдері мен ҚХР-да өндірілген машиналарға 3 жылдан аспаған автокөліктерді рәсімдеуге болады.
Сонымен қатар, Freedom Bank клиенттеріне несиені өтеудің бірнеше нұсқаларын ұсынады- мөлшерлеме бойынша оңтайлы, мерзімі бойынша оңтайлы, ең аз ай сайынғы төлеммен, сондай-ақ, өздеріне қолайлы нұсқасын таңдап беретін конструктор.
"Бұған дейін Freedom Bank ипотеканы цифрландырған болатын. Онлайн-автонесиелендіруді іске қосу-қисынды қадам. Freedom Bank онлайн-шешімдер, кепілдікті алу және есепке қою, тіркеу мүмкіндіктерінен басқа автомобильдің бірегей онлайн-бағасын әзірледі. Біз ЭЦҚ-ны жүктеместен, клиенттің беті арқылы келісім-шарттарға қол қою мүмкіндігін іске қостық" - деп атап өтті Жұмағұлов.
LS тілшiciнің қаржы институтының алда басқа да қандай жаңа өнімдерi жарық көретіні туралы сауалына жауап бере отырып, ол ағымдағы жаз айларында бiрнеше жоба іске қосылатынын хабарлады.
"Бұдан әрі цифрлық депозит болады, онда клиент салымды онлайн ашып, өзінің жинақтарына 24/7 қол жеткізе алатын болады. Сондай-ақ, бөліп төлеу функциясы бар біздің POS-терминалдарымызды жеткізу қызметі. Осы жылдың күзіне қарай біздің Super App жүйесі іске қосылмақ, ол өзіне қаржылық және қаржылық емес өнімдерді біріктіреді", - деп түйіндеді Жұмағұлов.
