Еуразиялық экономикалық комиссия LS-ке Ресейдің үшінші елдерге қатысты ықтимал санкциялары туралы мәлімдемесіне түсініктеме берді.
ЕЭК әлемде санкциялық жағдайдың одаққа қатысушы елдер үшін өзекті болып отырғанын жеткiздi. Ұйымның ақпараты бойынша, ЕАЭО экономикалардың интеграциялық процестерін тереңдетіп дамытады және өндірістік тізбектерді құрады.
"Осы жүйенің бір буынына, мысалы, бір елдің өнеркәсіптік кәсіпорнына теріс әсер еткенде, бүкіл сала зардап шегуі мүмкін. Осының салдары ретінде бұл бүкіл Одақтың мүдделеріне кері әсерін тигізеді", - деп атап өтті ЕЭК-те.
Комиссия Жоғары Еуразиялық экономикалық кеңес пен Еуразиялық үкіметтер тарапынан бар тапсырмаларды ескере отырып, үшінші елдер тарапынан осындай экономикалық әсерлерге ден қою шараларының ықтимал тізбесін әзірлеу мәселесінде ЕАЭО-ға мүше мемлекеттердің өзара іс-қимылын үйлестіру бойынша жұмыс жүргізіліп жатқанын қосты.
"Жекелеген мемлекеттердің санкциялық саясаты халықаралық құқыққа, оның ішінде БҰҰ жарғысына қайшы келеді деп санаймыз. Сондықтан одақтың экономикалық мүдделерін қорғау мақсатында жауап шараларын келісілген қолдану туралы сөз қозғауды заңды деп санаймыз", - өдеп атап өтті ЕЭК сауда блогында.
Естеріңізге сала кетейік, бұған дейін Қазақстан СІМ-де республиканың Одақ елдерінің "шоғырландырылған шаралары" туралы басқа мемлекеттердің санкцияларына жауап ретінде ешқандай келіссөздер жүргізбейтінін атап өткен болатын.
Бұл мәселені РФ СІМ басшысының орынбасары Александр Панкин көтерді. Ол ЕАЭО-да Батыстың санкцияларына жауап ретінде шоғырландырылған шаралар туралы мәселе қаралып жатқанын мәлімдеді.
