Қазақстандықтар наурыз айында тұрғын үйлерді белсендірек сатып ала бастады, деп хабарлайды LS.
Ұлттық статистика деректері бойынша Қазақстанда тұрғын үйді сатып алу-сату мәмілелерінің тіркелген саны ақпанмен салыстырғанда 28,2%-ға өсті және 52,7 мыңды құрады. 2020 жылғы наурызмен салыстырғанда олардың саны 2,4 есе өсті.
Әсіресе Маңғыстау облысының тұрғындары белсенділік танытты. Мәмілелер саны ақпан айымен салыстырғанда 48,4%-ға, ал өткен жылмен салыстырғанда 8,9 есе өскен. Нұр-Сұлтанда, керісінше, ақпан айымен салыстырғанда 8%-ға төмендеді. Алайда, өткен жылдың наурыз айымен салыстырмалы түрде айтатын болсақ – мәмілелер саны 2,6 есеге көбейген.
Сонымен қатар, 2021 жылғы қаңтар-наурызда тұрғын үйді сатып алу-сату мәмілелерінің саны өткен жылдың тиісті кезеңімен салыстырғанда 74,2%-ға артты.
Естеріңізге сала кетейік, тұрғын үй нарығындағы бағаның бақылаусыз өсуі жалғасуда.