LS редакциясы қазақстандықтардың өз ақшаларын қайда инвестициялауды жөн санап, олар бойынша қандай табысқа қол жеткізе алатындарын анықтады.
Қазақстан қаржыгерлер қауымдастығының (ҚҚҚ) талдаушысы Рамазан Досов Ұлттық банктің сауалнамасына сілтеме жасай отырып, респонденттердің 15%-ында жинақ ақшаның бар екенін атап өтті. Оның 63%-ы ақшаны депозиттерде, 23%-ы – қолма-қол нысанда, 9%-ы – жылжымайтын мүлікте және тек 2%-ы – бағалы қағаздарда сақтайды.
Сонымен қатар, азаматтардың қалауы өткен жылға қарағанда өзгермеген. 2020 жылғы наурызда көрсеткіш келесідей болды: 66% – депозиттер, 23% – қолма-қол ақша, 9% – жылжымайтын мүлік, 3% – бағалы қағаздар.
"Қазақстандықтар ақшаларын депозиттерде сақтағанды дұрыс санайды. Мұндай таңдау ақшаны шешудің қолжетімділігімен, салымдарға кепілдік беру жүйесінің болуымен, теңгелік мөлшерлемелердің оң деңгейде (инфляциядан жоғары) сақталуымен түсіндіріледі. Айта кетейік, өткен жылы халықтың банктердегі депозиттері 9,2-ден 10,9 трлн теңгеге дейін өсті (+18,5%)", - деп түсіндірді Досов.
Табыстылыққа келетін болсақ, аналитиктің пікірінше, теңгелік салымдар 10-14% әкелуі мүмкін, ал жаңа тұрғын үй бір жылда 9%-ға қымбаттады, ал Қазақстан қор биржасының индексі осы уақыт ішінде 33%-ға өскен. Сонымен бірге, Досов бағалы қағаздар нарығының қарқынды өсуі негізінен тауарлық-шикізат сегментінің пандемияға дейінгі қалпына тез келуі, эмитенттердің ішкі корпоративтік оқиғалары және бөлшек инвесторлардың ағыны аясында болғанын түсіндірді.
Сонымен қатар, Ұлттық банктің сауалнама нәтижелеріне түсініктеме бере отырып, Досов респонденттердің 53%-ы 1 млн теңгеге дейінгі қаражатты жинақ деп есептейтіндерін атап өтті.
"Бұл жылжымайтын мүлікке немесе әлемдік қор нарықтарына инвестиция салу үшін жеткіліксіз екені анық. Сондықтан портфельді салалар мен валюталар бойынша әртараптандыру, қымбатшылық кезде дүкен аралап заттар алу және алыпсатарлық операциялар үшін қарыз капиталын пайдалану сияқты фактілер туралы ұмытпаңыз. Сонымен қатар, KASE индексі жылжымайтын мүлік бағасы сияқты шарықтағанын атап өткім келеді", - деп түйіндеді ол.
Бұған дейін LS 2021 жылы инвесторлар үшін қандай акциялар қызықты болатындығы туралы жазған болатын.
