Қазақстанда орташа атаулы жалақы өсуде, деп хабарлайды LS Ұлттық статистика бюросына сілтеме жасап.
Ведомствоның мәліметінше, маусым айында ол 242 542 теңгені құрады. Есептеулер кәсіпкерлік қызметпен айналысатын шағын кәсіпорындарда жалақыны есепке алмай жүргізілді.
Көрсеткіш өткен жылдың күзінен бастап өсіп келеді. Қазан айында ол 209 818 теңгеге, қарашада – 211 033, желтоқсанда – 220 848 теңгеге, 2021 жылғы қаңтарда – 222 261, ақпанда – 223 213, наурызда – 224 715, сәуірде – 231 319, мамырда – 232 347 теңгеге жетті.
Сонымен қатар, бюро халықтың жан басына шаққандағы атаулы ақшалай табысын да есептеді. Мамыр айында олар 121 мың теңгені құрады, бұл 2020 жылдың сәйкес айымен салыстырғанда 8,4%-ға жоғары. Ал нақты ақшалай табыс көрсетілген кезеңде бар болғаны 1,1%-ға ұлғайған.
Сонымен қатар, мемлекеттік мекемеде 2021 жылдың І тоқсанының қорытындысы бойынша жұмыссыздар саны 451,3 мың адамға немесе жұмыс күшінің 4,9%-ына жеткенін еске салды.
"Жұмыспен қамту мекемелерінде жұмыссыздар ретінде тіркелгендер саны 2021 жылғы маусым айының соңында 223,5 мың адамды немесе жұмыс күшіне 2,4%-ды құрады", – деп түсіндірді бюрода.
