ЕАЭО қаржы пирамидаларының бірыңғай қара тізімін құруды ұсынды, деп хабарлайды LS.
Мәжілісмен Юрий Ли Еуразиялық экономикалық одаққа мүше елдердің қылмыстық істер бойынша өзара көмекті реттейтін халықаралық шарттық базасына киберқылмысты, алаяқтықты және трансшекаралық сипаттағы қаржы пирамидаларының қызметін тергеу кезінде оның барабарлығы тұрғысынан кешенді тексеру жүргізуді ұсынды.
"Сондай-ақ, ЕАЭО-ға мүше елдер үшін қаржы пирамидасының белгілері бар жосықсыз ұйымдардың қара тізімін құруға бастамашылық жасау қажет", - деп ұсынды ол.
Депутаттың айтуынша, қазір Қазақстанда интернет-алаяқтықтың, соның ішінде жеке деректерді ұрлау үдеп тұр. Ол мұндай шабуылдаушылар шетелден, атап айтқанда Ресей мен Украина аумағынан жазасыз әрекет ететінін айтты. Осылайша, қылмыс трансшекаралық және халықаралық сипатқа ие.
"Халықаралық телефон алаяқтығымен айналысатын ұйымдастырылған колл-орталықтар ашық жұмыс істейді, одан да жаманы, олардың кейбіреулері бас бостандығынан айыру орындарында немесе тергеудегі адамдарды уақытша ұстау изоляторларында орналасады. Технологиялық прогресс шетелден барлық алаяқтық жобаларды қашықтан және оңай жасауға мүмкіндік беретіні анық. Бұл процестер қаржылық, сандық және тұтынушылық мәдениеттің төмен деңгейімен бірге үлкен шығындарға әкеледі", - деді ол.
Ли келтірген деректерге сәйкес, 2021 жылғы қаңтар-қыркүйекте елде "Алаяқтық" бабы бойынша 31,9 мың құқық бұзушылық тіркелген, бұл бір жыл бұрынғыға қарағанда 39%-ға артық. Бұл ретте, кибер алаяқтық жағдайлары 52%-ды немесе 16,6 мыңды құрады, белгіленген залал сомасы 47,4 млрд теңгеге жеткен.
Бұған дейін хабарланғандай, Қазақстанда 2021 жылдың басынан бастап қаржы пирамидасын құру және оған басшылық ету фактісі бойынша 22 қылмыстық іс тіркелген. 2021 жылдың қазан айында қаржы нарығын реттеу агенттігі заңсыз қызмет белгілері бар компаниялардың тізімін жариялады. Тізімге қаржы пирамидасының белгілері бар 56 ұйым және 65 заңсыз инвестициялық делдал кірді.
