Қазақстандық шенеуніктерге ауыл шаруашылығы жерлерін шетелдіктерге бергені үшін 103 мың теңгеге айыппұл салынады, деп хабарлайды LS.
Сенат айыппұлдар туралы Әкімшілік құқық бұзушылық туралы кодексіне (ӘҚБтК) түзетулерін мақұлдады
"Енді ауыл шаруашылығы мақсатындағы жерлерді беру кезінде заңды бұзғаны үшін шенеуніктерге 30 АЕК (103,5 мың теңге) айыппұл салынады. Атап айтқанда, шетелдің қатысы бар заңды тұлғаларға, халықаралық ұйымдарға, халықаралық қатысуы бар ғылыми орталықтарға, қандастарға, сондай-ақ шетелдіктермен немесе азаматтығы жоқ адамдармен некеде тұрған қазақстандықтарға учаскелер бергені үшін айыппұлдар тағайындалатын болады. Бұрын бұл норма шетелдіктер мен азаматтығы жоқ адамдарға ғана қатысты болатын", - деп хабарлады сенатта.
Бір жыл ішінде бұзушылық қайталанса айыппұл сомасы екі есеге – 60 АЕК (207 мың теңге) дейін артады.
Бақылауды әкімдіктер емес, ауыл шаруашылығы министрлігінің өкілдері қолға алады.
"Бұдан басқа, заң шеңберінде жердің пайдаланылуына мемлекеттік бақылауды жүзеге асыратын органдардың өкілеттіктерін қайта қарау көзделеді. Бұл сыбайлас жемқорлық тәуекелдерін азайтуға және жерді пайдалану мен қорғауға мемлекеттік бақылауды күшейтуге мүмкіндік береді деп үміттенеміз", - деді сенат басшысы Мәулен Әшімбаев.
Өз кезегінде ауыл шаруашылығы вице-министрі Әбілқайыр Тамабек түзетулер азаматтар мен мемлекеттік емес заңды тұлғаларға жеке меншікке және халықтың мұқтаждығына арналған, оның ішінде облыстық және аудандық маңызы бар қалалардың, кенттердің, ауылдық елді мекендердің шекаралары шегінде шабындық алқаптармен қамтылған жер учаскелерін пайдалануға тыйым салатынын айтты.
"Бұдан басқа, әкімдіктер бос жер учаскелері және жоспарланған сауда-саттық (аукциондар) туралы ақпаратты мемлекеттік тізілімнің веб-порталында интернет-ресурстарда және халық үшін қолжетімді орындарда арнайы ақпараттық стендтерде орналастыруға және тоқсан сайын жаңартып отыруға міндеттенеді. Нормалар сонымен қатар жер пайдаланушыны уәкілетті органға ауыл шаруашылығы мақсатындағы жерлердегі басқа жер пайдаланушымен жер пайдалану құқығын иеліктен шығару жөніндегі мәміле жасасқаны туралы хабарлауға міндеттейді", - деді ол.
Айта кетейік, сенат "Әкімшілік құқық бұзушылық туралы кодекске өзгерістер мен толықтырулар енгізу туралы" заң жобасын екі оқылымда қабылдады, әрі қарай ол президентке қол қоюға жіберіледі.
Бұған дейін, жерді заңсыз таратқан аймақтар туралы ақпарат жарияланған болатын.
