Қанша қазақстандық шенеуніктің шетел банктерінде шоттары бар

Олар сонымен қатар жылжымайтын мүлік, көлік құралдарын жариялаған

30 сентября 2021 года
    

Қазақстанда мемлекеттік қызметкерлердің шетелде қанша банктік шоттары, жылжымайтын мүліктері мен көліктері бар екені есептелді, деп хабарлайды LS.

Мемлекеттік кірістер комитеті төрағасының орынбасары Жайдар Іңкәрбаев елдегі жалпыға бірдей декларациялаудың бірінші кезеңін қорытындылады. Өздерінің активтері мен міндеттемелері туралы мәліметтерді мемлекеттік қызметшілер, оларға теңестірілген адамдар және олардың жұбайлары (зайыптары) ұсынды.

"Декларация тапсырған 497 мың тұлғаның 440-ының 58 мемлекеттің шетелдік банктерінде шоттары бар. Ақшаның жалпы сомасы 691 млрд теңгені құрайды. Олардың басым бөлігі Ресейде (140 жеке тұлға), АҚШ-та (65) және Швейцарияда (38) шоғырланған", - деп атап өтті Іңкәрбаев.

Оның мәліметінше, 494 адам Қазақстаннан тыс жерлерде, 26 елде 666 жылжымайтын мүлік объектісін декларациялаған. Оның 436-сы Ресейде, 44- і БАӘ-де, 38-і Түркияда.

"1030 жеке тұлға 49 шет елде 1198 көлік құралын декларациялаған. Оның ішінде 292 – Ресейде, 235– Арменияда, 221 – Жапонияда, 162 – Германияда", - деп хабарлады МКК өкілі.

Іңкәрбаевтың мәліметінше, 47 жеке тұлғаның шетелдегі жеке құрылымдарда үлесі – Ресейде, БАӘ-де, Кипрде. Және де 11 елде 1603 жылжымайтын мүлік объектісінің үлесі бар, оның ішінде 1568 – Қазақстанда.

Спикер, сондай-ақ, қазақстандық шенеуніктердің басқа да активтері туралы деректерді келтірді. Осылайша, 116 адам инвестициялық алтынды, 918 – 25 елдегі бағалы қағаздарды декларациялады, 608-і 635 инвестициялық қорда пайларға ие, 212-сі 218 зияткерлік меншік нысаны мен авторлық құқық, 355 – дебиторлық берешек, 578-і кредиторлық, деп түсіндірді Іңкәрбаев.

Ол 2025 жылға қарай жалпыға бірдей декларациялаумен Қазақстанның барлық тұрғындары қамтылатынын еске салды.

"Мемлекеттік қызметшілердің бір бөлігі декларацияны да ұсынады, бірақ табыстар мен жылжымайтын мүлік объектілерін көрсетпеу үшін оларды өз туыстарына, таныстарына және т.б. тіркейді, сондықтан бізде 2025 жылға дейін халықтың барлық топтары кезең-кезеңімен қамтылатын болады. Осылайша, мұндай схемалар мен манипуляцияларға жол берілмейді", - деді Іңкәрбаев.

Следите за нашим Telegram - каналом, чтобы не пропустить самое актуальное
Комментарии отключены!
Вы можете оставить комментарий и увидеть мнения наших читателей на странице в facebook.
Подпишись прямо сейчас
Подписка на самые интересные новости из мира бизнеса
Подписаться
© Все права защищены - LS — ИНФОРМАЦИОННОЕ АГЕНТСТВО    Условия использования материалов
Наше издание предоставляет возможность всем участникам рынка высказать свое мнение по процессам, происходящим, как в экономике, так и на финансовом рынке.