Ішкі істер министрлігі LS-ке алғашқы аптада айыппұл төлемдеріне 50%-дық жеңілдік жойыла ма деген сұраққа жауап берді.
Мәлім етілгендей, депутаттар бір жыл ішінде 10 және одан көп жол ережесін бұзған жүргізушілерге жеңілдік қолданбауды ұсынған. Бұл ұсыныс заңнамалық өзгерістер жобасын үкімет қорытындылаған кезде қаралды.*
Үкімет бұл ұсынысты қолдамады, себебі оны заң бойынша нақты реттеу керек. Сондай-ақ, жол ережесін бұзудың қауіптілігін қарап, әр жағдайға деңгей белгілеу қажет.
Дегенмен, жүйелі түрде жол ережесін бұзатын жүргізушілерге жауапкершілікті күшейту қажет екені толық қолдау табады. Бұл жол қауіпсіздігін арттыруға және апаттарды азайтуға көмектеседі.
Ішкі істер министрлігі негізгі басымдықтардың бірі жол қауіпсіздігін арттыру және жағымсыз салдарды болдырмау екенін айтты.
Бұған дейін, LS редакциясы шағын және микро бизнестің қай айыппұлдары мен өсімпұл кешірілетіні туралы ақпарат берген болатын.
*"Жол қозғалысының жаңа түрлерін реттеу және жол қауіпсіздігін қамтамасыз ету мәселелері бойынша кейбір заңнамалық актілерге өзгерістер мен толықтырулар енгізу туралы" заңы.
