Қазақстанда 25-28 жас аралығындағы жастар арасындағы жұмыссыздық айтарлықтай өскен, деп хабарлайды LS.
2025 жылғы IV тоқсанда Қазақстанда жұмыссыздар саны 445,7 мың адам болды, бұл 2024 жылғы сәйкес кезеңмен салыстырғанда 0,5%-ға аз.
Дегенмен, қалаларда жұмыссыздық деңгейі 2,4%-ға өсіп, 283,3 мың адамға жеткен, ал ауылдық жерлерде 5,3%-ға төмендеп, 162,3 мың адамды құрады. Мұндай өзгеріс, мүмкін, қазақстандықтардың ауылдан қалаларға көшуімен байланысты.
Жалпы ел бойынша жұмыссыздық деңгейі 4,6% деңгейінде қалып отыр, бұл көрсеткіш қалалық және ауылдық тұрғындар арасында да бірдей. Ерлер арасында ол 4,3%, әйелдер арасында – 4,9% құрады.
Ең ірі жұмыссыздар тобы – 35-44 жас аралығындағы азаматтар, саны 164,3 мың адам (+2,5%). Жастар арасында динамика әртүрлі: 16- 24 жас аралығында – 39,6 мың адам (+7,1%), 25-28 жас аралығында – 29,3 мың адам (+40,7%), ал 29-34 жас аралығында жұмыссыздар саны 45,5 мыңға дейін қысқарған (-29%).
Жұмыссыздықтың негізгі себептері мыналар: өз еркімен жұмыстан кету – 126,3 мың адам (+20,6%), жұмыс таба алмау – 107,1 мың адам (-4,8%).
Сонымен қатар, 64,1 мың қазақстандық жеке немесе отбасылық жағдайларға байланысты жұмысқа орналаспаған (+4,2%), ал 40,7 мың адам үй шаруасымен айналысып жатыр (-8%).
Ұйымдардың жабылуы немесе штат қысқаруы салдарынан жұмысынан айырылған адамдар саны 28,6 мыңға дейін қысқарған, яғни 1,7 есе азайған.
Жұмысқа қажеттілік жоқ деп айтқандардың саны 1,1 мың адамға жетті, бұл өткен жылмен салыстырғанда 2,9 есе көбейген.
