Заңсыз лотерея өткізгендер 530 мың теңге айыппұл төлейді

Ал кәсіпкерлер 5,3 млн теңгеге дейін жазалануы мүмкін

5 февраля 2020 года
    

Қазақстанда заңсыз лотерея үшін жеке тұлғаларға 530,2 мың теңге және заңды тұлғаларға 5,3 млн теңге дейін айыппұл енгізу ұсынылды, деп хабарлайды LS.

Мәжілістің пленарлық отырысы барысында депутат Павел Казанцев үкімет лотереяны заңсыз өткізгені үшін әкімшілік жауапкершілікті енгізуді ұсынатынын атап өтті.

"Лотерея операторы болып табылмайтын тұлғаларға ескерту, содан кейін қайта жасалған құқық бұзушылық үшін айыппұл қарастырылған. Айыппұл мөлшері жеке тұлғалар үшін 200 АЕК-тен (530,2 мың теңге) және ірі кәсіпкерлік субъектілері үшін табыстарын тәркілеумен 2 мың АЕК-ке (5,3 млн теңге) дейін болады. Бұл фактілерді кім анықтайды және әкімшілік хаттаманы кім жасайды? Өйткені мәдениет және спорт министрлігінің өңірлерде аумақтық органдары жоқ, ал әкімдіктерде мұндай өкілеттіктер жоқ. Мұндай жағдайда бұл норма қалай жұмыс істемек?"- деп сұрады ол.

Өз кезегінде министр Ақтоты Райымқұлова лотерея операторы мүдделі тұлға ретінде барлық нарыққа мониторинг жүргізіп, мәліметтерді ведомствоға жіберетінін түсіндірді.

"Заңсыз лотерея фактілері анықталғанда, біз әкімшілік жауапкершілікке тартамыз. Экономикалық тергеу органдарына жібереміз. 2019 жылы "Сәтті Жұлдыз" лотерея операторы 647 мекен-жайды анықтады. 320 қылмыстық іс қозғалды, 571 орындарындағы ойындар жабылған, сондай-ақ 10 мыңнан астам құрал тәркіленген. Бүгінгі таңда бізде өңірлерде штаттық бірлік жоқ", - деді министр.

Мұндай жауап мәжіліс спикері Нұрлан Нығматулиннің наразылығын тудырды.

 "Мұндай фактілерді кім анықтайды? Бұл мемлекеттік функциялар. Сіз оларды жеке компанияға қалай бере аласыз? Сіз фактілерді кім бақылайтынын және анықтайтынын өзіңіз түсінуіңіз керек. Осыны ескеріңіз", - деді ол.

Сондай-ақ, Раимқұлова "Сәтті Жұлдыз" мониторингісін анықтап, жүргізіп жатқанын айтты.

"Бүгінде бізде штаттық бірлік жоқ. Біз лотерея операторының өтінімдері мен мониторингіне негізделеміз. Бірақ мен мұнда пысықтауды талап ететін нәрселер бар екеніне келісемін",- деп түйіндеді министр.

Бұған дейін министрлік "лотерея" сөзін бүкіл бизнес үшін жарнамада қолдануға тыйым салуды ұсынған болатын.

Следите за нашим Telegram - каналом, чтобы не пропустить самое актуальное
Комментарии отключены!
Вы можете оставить комментарий и увидеть мнения наших читателей на странице в facebook.
Последние новости:
Подпишись прямо сейчас
Подписка на самые интересные новости из мира бизнеса
Подписаться
© Все права защищены - LS — ИНФОРМАЦИОННОЕ АГЕНТСТВО    Условия использования материалов
Наше издание предоставляет возможность всем участникам рынка высказать свое мнение по процессам, происходящим, как в экономике, так и на финансовом рынке.