Freedom Holding Corp. бас директоры Тимур Турлов президент Қасым-Жомарт Тоқаевқа цифрлық ипотека бойынша жобаны таныстырды, деп хабарлайды LS.
Ол өзінің әлеуметтік желілердегі парақшасында Фридом Финанс банкі бүгінде әрбір екінші несиені субсидиясыз беретінін атап өтті.
"Ипотека – банктегі ең күрделі, "ауыр" процестердің бірі. Өте нашар автоматтандырылған. Алты түрлі қызметкер қатысатын және көп уақытты қажет ететін процесс. Цифрландыру министрлігінің қолдауының арқасында біз ипотекалық несиелеу бойынша өнімді 100% цифрлық өнімге айналдыра алдық. Әлемде бірінші болып, Қазақстанда. Банкке бірыңғай келмей-ақ, кем дегенде бір қызметкердің қатысуынсыз процесс бір күнде, тіпті екі сағатта өтеді. Мәмілені толығымен жабу, бағалау, кепілзаттар, шарттар, скорринг, БЖЗҚ-дан төлемдер-барлығы бірден онлайн", - деп атап өтті Турлов.
Freedom Holding Corp бас директоры Фридом Финанс банкі жақын арада "7-20-25" мемлекеттік бағдарламасы аясында тұрғын үй сатып алуды ұсына алады, ал нарықтық ипотека әлдеқайда арзан болады деп үміттенеді.
"Бұл жағдайда қарыздар саны жүздеген емес, айына ондаған мың болады. Яғни, жеке тұрғын үй туралы еліміздің миллиондаған тұрғындарының арманы қолжетімдірек болады", - деп түйіндеді Турлов.
