Павлодар облысында бес жыл ішінде 106 мыңнан астам адам жұмыспен қамтылмақ. Бұл туралы LS-ке өңірлік әкімдіктен хабарлады.
"Өңірде 2021-2025 жылдары 106,4 мың жұмыс орнын құру жоспарлануда, оның ішінде тұрақты жұмыс орындары – 63,8 мың", – деп мәлімдеді әкімдікте.
Олардың мәліметінше, биыл 9,7 мың адам жұмыспен қамтылмақ. Оның 3,5 мыңы тұрақты, ал 6,2 мыңы уақытша жұмыс орындары. Қосымша ақпарат кестеде келтірілген. Мысалы, "Еңбек" аясында 6080 жұмыс орны құрылады. Бұл ретте 1492 адам тұрақты жұмыс орындарымен, 4588 адам уақытша жұмыс орындарымен қамтамасыз етіледі.
Инвестициялық жобаларды іске асыру есебінен 2021 жылы 820 адамды, ал агроөнеркәсіптік кешенде 600 адамды жұмысқа орналастыруға уәде берілді. "Нұрлы жер" мемлекеттік бағдарламасы аясында 797 уақытша жұмыс орны, ал "Бизнестің жол картасында" 633 уақытша және 307 тұрақты жұмыс орны құрылады.
Бұдан басқа, "БЖК" (85 адам), денсаулық сақтауды дамытудың мемлекеттік бағдарламалары (52), өңірлер (151), сондай-ақ "білім және ғылым (155), МЖӘ (5), "Нұрлы жол" (20), туризм саласында (28) іске асыру есебінен өңірлердің тұрғындарын жұмысқа орналастыруға уәде берілді.
Сонымен қатар, өңірде инженерлік-техникалық қызметкерлер, электргазбен дәнекерлеушілер, электр монтерлері, электр механиктері, техниктер, операторлар, қондырғылар мен машиналар машинистері, слесарь-құрастырушылар жетіспейді.
"Аудандарда негізінен мұғалімдер, медицина қызметкерлері агроном, ветеринарлық техник, механизатор, ауыл шаруашылығы өндірісінің тракторшы-машинисі мамандықтары сұранысқа ие", - деп толықтырды әкімдікте.
Сондай-ақ, 2020 жылы облысқа басқа өңірлерден жұмыс күші артық 2101 қазақстандық келгені атап өтілді.
