196 млн теңгеден астам қаражат зейнетақы қоры салымшыларының шоттарына қайтарылды, деп хабарлайды LS.
Зейнетақы қоры Jusan Ventures-ке шағымдар жіберілгенін, соның нәтижесінде компанияның қарапайым акцияларын сатып алғаны үшін қосымша ақы төленгенін хабарлады. Осылайша БЖЗҚ-да 196,3 млн теңге көлеміндегі айырмашылық қайта оралды.
Еске салайық, 2021 жылдың 18 наурыздағы жағдай бойынша зейнетақы активтерінің портфеліне 77 073 дана көлеміндегі Jusan Mobile (KazTransCom) бағалы қағаздары кірді. 2021 жылдың ақпан айында Jusan Ventures миноритарлық акционерлерден, оның ішінде БЖЗҚ акцияларын бір акцияға 5 750 теңгеден мәжбүрлеп сатып алу құқығын жариялады.
Алайда миноритарлық акционерлердің бірінің сот талабымен тәуелсіз бағалауды ескере отырып, сот акциялардың бір данасы үшін 8 297 теңге мөлшеріндегі құнын айқындады. 2022 жылдың 14 сәуірінде Алматы қаласының мамандандырылған ауданаралық экономикалық сотының шешімі заңды күшіне енді.
"БЖЗҚ Jusan Ventures компаниясына акция құнының айырмасын төлеу талабымен сотқа дейінгі шағым жіберіп, төлем мерзімін белгіледі. Содан кейін акция құнының 196 млн теңгеден астам мөлшеріндегі айырмасы төленді", - деп түйіндеді зейнетақы қорында.
