2022 жылы Қазақстанды қорғауға республикалық бюджеттен 1 трлн астам теңге жұмсалады, бұл алдыңғы редакцияға қарағанда 18,9%-ға артық, деп хабарлайды LS.
Аталмыш соманың 494,7 млрд теңгесін қорғаныс министрлігі алады. Бұл республикалық бюджет туралы Заңның алдыңғы нұсқасынан 13%-ға артық.
Министрлік қарулы күштердің жауынгерлік, жұмылдыру дайындығын қамтамасыз етуге 491,4 млрд теңге, сондай-ақ, қорғаныс пен қарулы күштерді ұйымдастыру саласындағы мемлекеттік саясатты айқындау және іске асыру жөніндегі қызметтерге 3,3 млрд теңге жұмсамақ.
Өз кезегінде индустрия және инфрақұрылымдық даму министрлігіне 7,3% өсіммен 341,1 млрд теңге бөлінеді. Барлық сома мемлекеттік қорғаныс тапсырысын орындауға бағытталады.
Қорғаныс шығындарынан төтенше жағдайлар министрлігі де – 185,6 млрд теңге үлесін алады, бұл алдыңғы редакциядан 80,2%-ға артық. Қаражат табиғи және техногендік сипаттағы төтенше жағдайлардың (ТЖ) алдын алуға және жоюға, ТЖ-дан қорғау объектілерін салуға және реконструкциялауға, бейінді органдардың күрделі шығыстарына және т. б. жұмсалады.
Осы қорғаныс шығындарынан басқа, қорғаныс министрлігіне бөлінген басқа да шығындар бар. Осылайша, білім беру саласы аясында ведомство жалпы білім беру мен мамандарды даярлауға шамамен 17,5 млрд теңге алады.
Денсаулық сақтауға жұмсалатын шығындарға келсек, қорғаныс министрлігінің қарулы күштерді медициналық қамтамасыз етуге 8,4 млрд теңге жұмсалады. Бұл сан өзгерген жоқ.
Сондай-ақ, қорғаныс саласына кірмейтін бюджет шығыстарының жеке бабы ұлттық қауіпсіздік комитеті (ҰҚК) шығындары болып табылады – 424,6 млрд теңге. Бұл ақша ұлттық қауіпсіздікті қамтамасыз етуге және оның жүйесін дамыту бағдарламасына бағытталады. Бюджетке өзгерістер енгізілгеннен кейін бұл сома 22,9%-ға өсті.
