Қазақстандықтардың жалақысы әлемдегі ең төменгілердің қатарында

2025 жылға қарай нақты табыс өсуі тиіс

5 мая 2021 года
    

Үкімет халықтың төмен табысына алаңдаулы, деп хабарлайды LS.

Еңбек және халықты әлеуметтік қорғау министрлігінің ақпараты бойынша, Қазақстанда нақты жалақының өсу қарқыны соңғы бес жылда номиналды жалақы өсімінен орта есеппен 8,2%-ға артта қалып отыр. Орташа және ең төменгі жалақы деңгейі әлемдегі ең төменгі деңгейге жатады.

"Еңбек нарығын дамытудың 2025 жылға дейінгі тұжырымдамасына" сәйкес, бұл елдегі дамудың негізгі кедергілерінің бірі болып табылады.

Сондай-ақ, құжатта жалақының ең төменгі мөлшері қатаң және ауыр жұмыспен айналы сатындарды қоспағанда, аймақтар мен жұмысшылар арасындағы айырмашылықты көрсетпейтіні белгіленген. Еңбек министрлігінде, кейбір елдерде жұмысшылар санатына байланысты сараланған ең төменгі жалақы мөлшерін енгізуге рұқсат етіледі деп қосты.

Қазақстанда еңбек өнімділігі төмен салаларда табыстың төмен деңгейі байқалады, онда жұмыспен қамтылғандардың 29%-ы (2,5 млн адам) жұмыс істейді. Олар білім беру, ауыл шаруашылығы, сумен жабдықтау, өнер және ойын-сауық салалары.

Қазіргі заманғы технологияларды жеткіліксіз енгізу және дамыту еңбек өнімділігі деңгейінің өсуін тежейді. Тұтастай алғанда, республика бойынша 2010 жылдан бастап еңбек өнімділігі артып келеді, 2019 жылға қарай өсім 33%-ды құрады, алайда осы көрсеткіш бойынша Қазақстан бұрынғысынша ЭЫДҰ елдерінен орта есеппен төрт-бес есе артта қалып отыр.

Еңбек өнімділігінің едәуір өсуі тауарлар өндірісі бойынша байқалды (+68%), қызмет көрсету саласында өнімділік тек 17%-ға өсті.

"Бүгінде ауыл шаруашылығында жұмыспен қамтылғандардың жалпы санының 13%-ы (1,175 млн) қамтылған. Ауыл шаруашылығының үлесі ЖІӨ құрылымында 5,3%-ды құрайды, салада төмен еңбек өнімділігі байқалады (ауыл шаруашылығында жұмыс істейтін бір адамға жалпы қосылған құн республикалық мәннен 2,8 есе төмен)", - деп атап өтті еңбек министрлігінде.

Тау-кен өндіру секторы неғұрлым өнімді болып табылады, 2019 жылы жалпы қосылған құн жұмыспен қамтылған бір адамға 35,8 мың теңгені құрады.

Сондай-ақ, Қазақстанда халықтың ең жоғары шоғырлануы бар оңтүстік өңірлерінде ең төмен өнімділік тіркелетін үрдіс байқалады. Батыс өңірлерде, керісінше, халықтың тығыздығы төмен болғанымен өнімділік ең жоғары. Солтүстік аймақтарда халықтың тығыздығы неғұрлым жоғары болса, өнімділік соғұрлым жоғары болады.

"Экономиканың жедел дамуына еңбек өнімділігінің өсуі және жұмыспен қамтылғандардың неғұрлым өнімді қызмет түрлеріне көшуін қамтамасыз ету кезінде ғана қол жеткізуге болады", - деп хабарлады министрлікте.

Сонымен қатар, тұжырымдамада айтылған болжамдарға сәйкес, қабылданған шаралар есебінен халықтың нақты ақшалай табысы 2025 жылғы көрсеткішке қарағанда 27,1%-ға өсуі тиіс. Ең аз қамтамасыз етілген 40% табыстардың үлесі халықтың жалпы табыстарының 27%-ын құрайтын болады. Осылайша жұмыссыздық деңгейі 4,7%-дан төмен түседі.

Следите за нашим Telegram - каналом, чтобы не пропустить самое актуальное
Комментарии отключены!
Вы можете оставить комментарий и увидеть мнения наших читателей на странице в facebook.
Подпишись прямо сейчас
Подписка на самые интересные новости из мира бизнеса
Подписаться
© Все права защищены - LS — ИНФОРМАЦИОННОЕ АГЕНТСТВО    Условия использования материалов
Наше издание предоставляет возможность всем участникам рынка высказать свое мнение по процессам, происходящим, как в экономике, так и на финансовом рынке.