Қазақстанда жұмыссыздықтан сақтандыру жүйесі енгізіледі. Бұл туралы мемлекет басшысы Қасым-Жомарт Тоқаев мәлімдеді, деп хабарлайды LS.
"Біз жұмыссыздықтан сақтандыру жүйесін енгіземіз, ал жұмысынан айырылу бойынша әлеуметтік төлемдердің мөлшерін табыстың 45%-на дейін арттырамыз", - деп уәде берді президент.
Мемлекет басшысы сондай-ақ, елімізде "Жеке тұлғалардың банкроттығы туралы" Заңның қабылдануы күтілетінін еске салды, оның айтуынша, несиелендірілген қазақстандықтарға шамадан тыс борыштық жүктемеден арылуға мүмкіндік береді.
Тоқаев "Самұрық-Қазына" қорының таза табысының кемінде 7%-зы "Қазақстан халқына" қоғамдық қорына жыл сайын аударылуы қамтамасыз етілетінін мәлімдеді.
"Уақытша жұмыспен қамтылмаған тұрғындарды қолдау жүйесі күшейтіледі. Сондай-ақ, ерекше қажеттіліктері бар адамдар үшін әлеуметтік кәсіпкерлікті дамыту үшін арнайы жұмыс орындары мен мүмкіндіктер жасалады. 2024 жылдан бастап "Ұлттық қор – балаларға" бастамасын іске асыру басталады", - деді ол.
Ол бүкіл ел бойынша 6,5 млн бала іргелі білімге, цифрлық технологияларға, дамыған білім беру инфрақұрылымына тең қол жеткізе алатынына сендірді.
"Біз өскелең ұрпақ үшін білім алуға барынша қолайлы жағдай жасаймыз. Екі жастан алты жасқа дейінгі балалар сапалы мектепке дейінгі тәрбиемен толық қамтылады. 1,5 млн жайлы оқушы орны құрылып, сыныптардағы оқушылар санынын шамадан тыс көптігін, апатты мектептер мен үш ауысымды білім беру мәселелерін түпкілікті шешетін боламыз", - деп уәде берді президент.
Оның айтуынша, мемлекет жыл сайын шағын қалаларда, аудан орталықтарында және ауылдарда кемінде мың мектепті жаңғыртады. Сонымен қатар 7 мың мектеп робототехника, химия, биология, физика кабинеттерін ашу жоспарланған.
Тоқаев әлеуметтік бюджет өсе беретінін атап өтті. Атап айтқанда, триллиондаған теңге балабақшаларды, мектептерді, ауруханаларды, мәдениет және спорт объектілерін салуға және жаңғыртуға, сондай-ақ атаулы көмекке жұмсалады.
"Үлкен сандардың артында қарапайым халықтың өзекті мәселелері жатыр. Әр адам мемлекет тарапынан қолдау мен дербес қамқорлықты сезінуі тиіс", - деп түйіндеді мемлекет басшысы.
