Қазақстанда қайталама тұрғын үйді жалға беруді субсидиялау басталады. LS тілшісі жобаның егжей-тегжейін білді.
Индустрия және инфрақұрылымдық даму министрлігінің ақпараты бойынша, жеке тұрғын үй қорынан жалға алынған тұрғын үй үшін төлемдер тепе-теңдік негізде жүзеге асырылады: мемлекеттік бюджеттің 50%-ы және алушының 50%-ы.
"Жыл сайын республикалық бюджеттен 51,5 млрд теңге қажет болады", - деп атап өтті ИИДМ.
Субсидиялаудың негізгі шарты Қазақстан азаматтығы болады. Сондай-ақ, соңғы алты айдағы зейнетақы аударымдарын, ЖТС және өзге де міндетті аударымдарды есептемегенде, еңбек және/немесе кәсіпкерлік қызметтен түсетін табыс отбасының әрбір мүшесіне бір ең төменгі күнкөріс деңгейінен (2022 жылы 36 018 теңге) аспауы тиіс.
Бұдан басқа, тұрғын үйге мұқтаж ретінде есепке қойылғанын және тиісті мәртебесін растау қажет.
Жобамен халықтың әлеуметтік тұрғыдан осал топтары қамтылатын болады: I және II топтағы мүгедектер, мүгедек балалары бар немесе оларды тәрбиелеуші отбасылар, жетім балалар мен ата-анасының қамқорлығынсыз қалғандар, 29 жасқа толмаған, кәмелеттік жасқа толғанға дейін ата-анасынан айырылған балалар, "Алтын алқа", "Күміс алқа" алқаларымен наградталған немесе бұрын "Батыр Ана" атағын алған, сондай-ақ, I және II дәрежелі "Ана даңқы" ордендерімен наградталған көп балалы аналар,
ИИДМ-ге хабарлағандай, бүгінде тұрғын үй кезегінде 590 мың азамат тұр, оның ішінде табысы бiр ең төменгі күнкөріс деңгейінен төмен әлеуметтік осал жағдайы бар 70 мың адам.
Министрлiкте нормативтік актілер қабылданғаннан кейін жоба іске қосылатынын нақтылады. Ол үшін жеке тұрғын үй қорынан жалға алынған тұрғын үй үшін азаматтардың жекелеген санаттарына төлемдер тағайындау және жүзеге асыру қағидалары әзірленді. Бұл бастама азаматтардың тұрғын үй мәселелерін шектеусіз мерзімге шешуге бағытталған.
Естеріңізге сала кетейік, бұған дейін тиісті тапсырманы президент Қасым-Жомарт Тоқаев берген болатын.
