Қазақстанда зейнетақы мөлшері қалай өседі

Базалық зейнетақы мөлшері жыл сайын кезең-кезеңімен өседі

13 сентября 2022 года
    

Қазақстанда 2023 жылдан бастап 2027 жылға дейін зейнетақы мөлшері кезең-кезеңімен ұлғайтылатын болады. Бұл туралы LS-ке еңбек және әлеуметтік қорғау министрлігінде айтып берді.

Бұған дейін, мемлекет басшысы Қасым-Жомарт Тоқаев зейнетақының ең төменгі базалық мөлшерлемесін (20 191 теңге) ең төменгі күнкөріс деңгейінің 54%-ынан 70%-ға дейін, ал ең жоғары мөлшерлемесін (37 389 теңге) 100%-дан 120%-ға дейін жеткізу керектігін айтқан болатын. Оның айтуынша, бұл 2025 жылға қарай жиынтық зейнетақыны орта есеппен 27%-ға арттыруға мүмкіндік береді.

Еңбек министрлігінде 2023 жылдан бастап бес жыл ішінде базалық зейнетақы мөлшері жыл сайын кезең-кезеңімен артатынын хабарлады.

Министрлiктiң мәліметінше, бұл келесідей болады:

  •  2023 жыл ең төменгі күнкөріс деңгейінің 60%-дан 100%-ға дейін (КМ – 37 389 теңге);
  • 2024 жыл 65%-дан 105%-ға дейін;
  • 2025 жыл 70%-дан 110%- ға дейін;
  • 2026 жыл 70%-дан 118%-ға дейін;
  • 2027 жыл 70%-дан 120%-ға дейін.

Еңбек министрлігінің болжамы бойынша, осы кезеңде базалық зейнетақы мөлшері орта есеппен 51%-ға дейін арттырылады.

"Бұл көрсеткіш жыл сайын шамамен 13%-ға өседі және барлық 2 млн зейнеткерге қатысты болады", - деп хабарлады министрлікте.

Сонымен қатар, 2023 жылғы 1 қаңтардан бастап ынтымақты зейнетақыны есептеу үшін қабылданатын ең жоғары табыс шамасын 46 АЕК-тен (146 280 теңге, АЕК кезінде – 3 180 теңге) 55 АЕК-ке (174 900 теңге) дейін арттыру жүйеге жаңадан енгізілген және қазіргі зейнеткерлерге де қатысты болады.

"Бұл шаралар 2025 жылға қарай жиынтық зейнетақыны орта есеппен 27%-ға (үш жыл ішінде-109 мыңнан 138 мың теңгеге дейін) ұлғайтуға және жиынтық зейнетақыдағы мемлекеттік төлемдердің үлес салмағын арттыруға мүмкіндік береді. Мемлекет тарапынан бұл шаралар қарттар арасында кедейліктің өсуіне жол бермеу мақсатында қабылданып жатыр", - деп түсіндірді еңбек министрлігінде.

Сондай-ақ, Қазақстанда әйелдердің зейнеткерлік жасына қатысты заңнамаға енгізілген өзгерістерге байланысты зейнетақы төлемдерін төмендетпей керісінше арттыру бойынша қосымша шаралар қабылдау жоспарлануда.

Қазіргі уақытта бюджет қаражатының қосымша қажеттіліктерін анықтау бойынша жан-жақты есептеулер жүргізілуде. Ақпаратқа сәйкес, бұл шаралар қаржы министрлігімен келісіліп, республикалық бюджет комиссиясының қарауына жіберіледі.

Следите за нашим Telegram - каналом, чтобы не пропустить самое актуальное
Комментарии отключены!
Вы можете оставить комментарий и увидеть мнения наших читателей на странице в facebook.
Подпишись прямо сейчас
Подписка на самые интересные новости из мира бизнеса
Подписаться
© Все права защищены - LS — ИНФОРМАЦИОННОЕ АГЕНТСТВО    Условия использования материалов
Наше издание предоставляет возможность всем участникам рынка высказать свое мнение по процессам, происходящим, как в экономике, так и на финансовом рынке.