Қазақстан автомобиль жасауда Toyota-мен ынтымақтасуды жоспарлап отыр. Бұл туралы LS-ке индустрия және инфрақұрылымдық даму министрлігінде хабарлады.
Министрліктің мәліметінше, қазіргі уақытта мемлекеттік органдар автоқұрастыру зауытын ашу бойынша келіссөздер жүргізуде. Келіссөздер жапондық Toyota автоконцернімен өткізіледі.
"Жоба талқыланудың бастапқы сатысында", - деп түсіндірді министрлікте.
Бұған дейін, LS редакциясы қытайлық автокөліктер Қазақстанда шығарылатынын хабарлаған болатын.
Естеріңізге сала кетейік, осыған дейін Қазақстанда Toyota авто брендінің өндірісі жүзеге асырылған болатын. 2014 жылдың көктемінде "СарыарқаАвтоПром" өндірістік базасында Toyota Fortuner жол талғамайтын көлігі шығарыла бастады, ал 2016 жылдың желтоқсанында осы брендтің соңғы көлігі конвейерден шықты.
Ағымдағы жылдың қыркүйегінде Toyota ресейлік зауыттың жабылатынын және қыркүйек айының соңында қызметкерлердің жұмыстан шығарылатынын жариялады. Индустрия және инфрақұрылымдық даму министрі Қайырбек Өскенбаев зауытты Қазақстанға орналастыру мүмкіндіктері туралы айтып берген еді.
