Отбасының цифрлық картасы 2023 жылы іске қосылады. Бұл туралы LS-ке еңбек және халықты әлеуметтік қорғау министрлігінде хабарлады.
Министрлiктiң ақпараты бойынша, "отбасының цифрлық картасы" ақпараттық жүйесі әлеуметтік, денсаулық сақтау, білім беру салаларында мемлекеттік қолдау шараларын проактивті түрде тағайындау үшін әзірленуде.
Отбасының цифрлық картасы әр жанұяның әл-ауқат деңгейін экономикалық, әлеуметтік және тұрғын үй жағдайлары, денсаулығы, білімі бойынша бағалайтын және отбасыларды бес санат бойынша бөлетін болады. Осы санаттар негізінде мұқтаж отбасыларға қажетті мемлекеттік қолдау шаралары айқындалатын болады.
Еңбек министрлігі осылайша мемлекеттік қызметтер халық тарапынан өтініштерді емес, анықтау есебінен көрсетілетінін түсіндірді.
"2023 жылдың 1 қаңтарынан бастап отбасының цифрлық картасы арқылы барлық отбасыларға кепілдендірілген мемлекеттік қолдау шаралары проактивті форматта жүзеге асырылатын болады", - деп түсіндірді еңбек министрлігінде.
Бала туу бойынша жәрдемақы, атаулы әлеуметтік көмек, асыраушысынан айырылу бойынша және т.б. төлемдер осы жүйе арқылы жүзеге асырылады.
Естеріңізге сала кетейік, бұған дейін президент Қасым-Жомарт Тоқаев еңбек министрлігіне отбасының цифрлық картасын іске қосу арқылы жеделдетуді тапсырған болатын.
