Қазақстандықтарға кредиттік алаяқтардан өздерін қорғауға мүмкіндік берiлмек, деп хабарлайды LS.
LS редакциясының ресми сауалына жауап ретінде қаржы нарығын реттеу және дамыту агенттігі қазіргі уақытта азаматтардың несиелерді ресімдеуден өз еркімен бас тарту құқығын енгізу мәселесі бойынша жұмыс жүргізіліп жатқанын хабарлады.
Яғни, қарыз алушы тыйым салса, содан кейін оның атынан ешкім несие ала алмайды. Қазіргі уақытта бұл механизм бойынша нақты жұмыс шарттары жоқ, өйткені талқылау жүріп жатыр.
Бірақ бұл ұсыныс бойынша Ұлттық банк, Ұлттық экономика, қаржы, әділет министрліктері және "Азаматтарға арналған үкімет"өз қолдауын білдірді.
"Бұл механизмді енгізу үшін азамат жазбаша тыйымды басқара алатын процесті толық реттеу қажет болады. Өйткені, оның өмірлік жағдайлары өзгеруі мүмкін немесе басқа себептер болуы мүмкін. Сондай-ақ, "ерікті түрде тыйым салуды" бір терезе арқылы немесе кредиттік ұйымдар арқылы бекіту мәселесін пысықтау қажет", – деп атап өтті қаржы нарығын реттеу және дамыту агенттігінде.
Ведомство осы тетікті қазақстандық қаржы нарығына тиімді енгізу үшін осындай бастамалар сәтті жүзеге асырылған шет елдердің тәжірибесі зерттелетінін атап өтті.
Естеріңізге сала кетейік, өткен жылы мәжіліс депутаты Айгүл Құспан қарызды рәсімдеуден өз еркімен бас тарту туралы бастама көтерген болатын. Ол несиелік алаяқтық жағдайын Қазақстан үшін "нағыз апат" деп атады.
