Қазақстанда Hyundai Ассеnt және Hyundai Creta маркаларын шығару тоқтатылды. Бұл туралы LS-ке "Астана Моторс" компаниясында хабарлады.
Ақпаратқа сәйкес, Hyundai Trans Kazakhstan зауытында осы үлгілерді өндіруді уақытша тоқтату геосаяси жағдаймен байланысты туындады.
"Көктемде Ресейден компоненттерді жеткізу тоқтатылды. Осы уақыт ішінде кәсіпорын Hyundai Motor Company-мен басқа елдерден компоненттерді жеткізуге шұғыл квота туралы келісті. Қазіргі уақытта одан әрі жеткізу және жаңа логистикалық тізбектер туралы мәселе пысықталуда", - деп түсіндірді ұйымда.
Компания барлық қол жетімді компоненттер игерілгенін атап өтті. Жақын арада жаңа жеткізілімдер күтілмейді.
"Hyundai Ассеnt және Hyundai Creta автомобильдерін күтетін клиенттерді компания назардан тыс қалдырмайды. Дилерлік орталықтардың менеджерлері клиенттермен жұмыс істеуді жалғастыруда. Мәселен, сатып алушыға кезекте тұру, модельдер өндірісінің қайта басталуын күту немесе Hyundai-дың басқа моделіне тапсырыс беру сияқты қызметтер ұсынады", - деп толықтырды "Астана Моторс" компаниясында.
Ұйымда атап өткендей, зауыттың өзі автокөлік өндірісін ұлғайту бойынша міндеттемелерден бас тартпайды және модельдік желісін кеңейтеді.
Сонымен қатар, дәл Hyundai Ассеnt-ті ұсақ торапты құрастыру басталды. Бұл ретте көрсеткіштерді 2022 жылдың аяғы мен 2023 жылдың басынан бастап 30%-ға дейін арттыру жоспарланған болатын. Ағымдағы жылы шығарылым жылына 45 мың авто, ал экспорт – 13,5 мың авто болуы тиіс еді.
Ақпан айында Қытаймен шекарадағы проблемаларға байланысты логистика Владивосток (Ресей) арқылы қайта бағытталғаны туралы хабарланды. Наурызда қысқа мерзімді кезеңде маршрутты ауыстыру жоспарлары болған жоқ. Дегенмен, компания барлығы әлемде орын алып жатқан өзгерістердің шарттарына байланысты болатынын атап өтті және автомобиль бағасының өсуін болжады.
